Betelehemu ni kamwe mu duce dukomeye mu buzima bw’Abakirisitu cyane ko bivugwa ko ariho Yezu yavukiye. Buri mwaka muri uyu mujyi hahurira ibihumbi by’Abakirisitu mu kwizihiza Noheli, gusa hari hashize imyaka ibiri ibi bikorwa bitaba kubera icyorezo cya COVID-19.

Mu ijoro ryo ku wa Gatandatu, imbere ya kiliziya yubatswe aho Yezu yavukiye, amatsinda y’abahanzi yaraye acurangira abantu ibihumbi bari aho mbere ya misa y’ijoro rya Noheli.

Amakuru dukesha BBC avuga ko nubwo imibare y’abagiye i Betelehemu, uyu mwaka ari mike ugereranyije n’iyo mu 2019, imihanda yaho yongeye kuzura bamukerarugendo ndetse nta cyumba cya hoteli wabona kuko byose byafashwe mbere.

Buri mwaka Betelehemu igendererwa n'ibihumbi by'Abakirisitu

Abasuye Betelehemu bifuje gutahana amafoto y'urwibutso

Misa yabereye i Betelehemu yahurije hamwe abantu bavuye hirya no hino ku Isi

Abakirisitu bari bakoraniye i Betelehemu basusurukijwe n'amatsinda y'abahanzi

Aho Yezu yavukiye haturiwe igitambo cya Misa

Amafoto: Al Jazeera