Mangom yageze mu Rwanda mu ijoro ryo ku wa Gatanu, tariki ya 30 Gicurasi 2025, aho yiteguye gufatanya n’abandi bakinnyi ba Kepler VC kwitegura amarushanwa ari imbere.

Mu mwaka ushize ni bwo Kepler VC yatije uyu mukinnyi muri Club Olympique de Kélibia yo muri Tunisia, yifuza kumugumana ariko iyi kipe yo mu Rwanda igaragaza ko na yo ikimukeneye, dore ko anayifitiye amasezerano.

Kugeza ubu akaba azagaragara mu bakinnyi bazifashishwa na Kepler VC mu irushanwa rya Volleyball ryo Kwibuka ku nshuro ya 31 Jenoside yakorewe Abatutsi. Ni irushanwa riteganyijwe kuva tariki ya 6 kugeza ku ya 8 Kamena 2025.

Mangom ugifite amasezerano y’umwaka umwe muri Kepler VC, agarutse nyuma y’uko ikipe ye ihaye akazi Jean Patrice Ndaki nk’Umutoza Mukuru.

Maguong Mangom ari mu bakinnyi bafasha Kepler VC gutsinda amanota menshi

Maguong Mangom agiye kongera gufasha Kepler VC

Maguong Mangom yari yaratijwe muri Club Olympique de Kélibia yo muri Tunisia