00:00:00 IGIHE NETWORK KN KINYARWANDA EN ENGLISH FR FRANCAIS

Tunis: RRA VC yatakaje umukino naho APR VC itahana intsinzi

Yanditswe na IGIHE
Kuya 24 May 2022 saa 12:05
Yasuwe :

Ku munsi wa kabiri w’irushanwa nyafurika rihuza amakipe yabaye aya mbere iwayo, amakipe yaserukiye u Rwanda, imwe yatakaje indi ibona intsinzi.

Imikino yabaye kuri uyu wa Mbere, APR yakinnye na NCS-National Customs Services yo muri Nigeria, umukino urangira APR VC itsinze NCS amaseti 3-0, naho RRA VC yo ntiyahiriwe kuko FAP- Forces Armées et Police yo muri Cameroun yayitsinze amaseti 3-1.

Imikino yose yabereye muri Gymnase ya Haouaria.

Kuri uyu wa Mbere kandi Club Olympique Kelbia yatsinze amaseti 3-0 VC la Loi, Carthage itsinda amaseti 3-0 KCB, Ndejje University yatsinze amaseti 3-0 Asec Mimosa naho APR itsinda amaseti 3-0 Chief of Naval Staff.

Kenya Prisons yatsinze amaseti 3-0 NAL, Kenya Pipeline itsinda 3-0 El-Wak Wings mu gihe Al Ahly yatsinze 3-0 Nigeria Customs Service.

Iri rushanwa rigizwe n’amakipe 16. Buri kipe iri gukora uko ishoboye ngo imikino yo mu matsinda izarangire byibuze ihagaze ku mwanya mwiza kugira ngo, ubwo yose azaba yinjiye muri 1/8 izabashe guhura n’ikipe iri mu za nyuma biyihe amahirwe yo kuba yahakura itike ya ½.

Iri rushanwa ribera muri Tuniziya riteganijwe kuzasozwa tariki ya 31 Gicurasi 2022.

Ku makipe yaserukiye u Rwanda, APR imaze gutsinda imikino ibiri mu gihe RRA imaze gutsinda umukino umwe.

Kuri uyu wa Kabiri hateganijwe imikino itandukanye inasoza iyo mu byiciro. RRA irakina na Kelibia mu gihe APR ikina na Kenya Prisons.

RRA VC imaze gutakaza umukino umwe
Bamwe mu bafana n'abayobozi baherekeje amakipe ubwo bari bakurikiranye umukino
Nubwo RRA VC yatakaje, iracyafite umuhate wo gukomeza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .