Sitting Volleyball: Abakinnyi 12 b’u Rwanda bahamagariwe kwitegura Imikino Paralempike ya Tokyo 2020

Yanditswe na Eric Tony Ukurikiyimfura
Kuya 17 Werurwe 2021 saa 04:36
Yasuwe :
0 0

Umutoza mushya w’Ikipe y’Igihugu y’Abagore ya Sitting Volleyball, Nsengiyumva Jean Marie Vianney, yahamagaye abakinnyi 12 bazitabira imyiteguro y’Imikino Paralempike ya Tokyo 2020 izaba mu mpeshyi uyu mwaka.

U Rwanda ruzahagararira Afurika mu Mikino Paralempike ya 2020 izabera i Tokyo mu Buyapani hagati ya tariki ya 24 Kanama n’iya 5 Nzeri 2021.

Rwabigezeho rutsinze Misiri ku mukino wa nyuma wa Shampiyona Nyafurika ya Sitting Volleyball yabereye i Kigali mu 2018.

Nsengiyumva Jean Marie Vianney uheruka kwemezwa nk’umutoza mushya asimbuye Umunya-Misiri Mossad Rashad, yamaze guhamagara abakinnyi 12 bazitabira imyiteguro y’iyo mikino.

Biteganyijwe ko abakinnyi bahamagawe bazajya bakora buri wa Gatanu, ku wa Gatandatu no ku Cyumweru kuva tariki ya 19 Werurwe, ubundi basubire mu ngo zabo.

Abahamagawe ni Mukobwankawe Liliane, Bazubagira Claudine, Kwizera Carine, Musabyemariya Alice, Nyirambarushimana Sandrine, Nyiraneza Solange, Nyiranshimiyimana Agnès, Murebwayire Claudine, Umutoni Clémentine, Mulisa Hosiana, Mutuyimana Chantal na Mugirwanake Louise.

Uretse Ikipe y’Igihugu ya Sitting Volleyball, abandi Banyarwanda bazitabira Imikino Olempike ya 2020 ni Hermas Muvunyi usiganwa ku maguru na Uwitije Claudine urushanwa mu gutera intosho.

Abakinnyi 12 b’Ikipe y'Igihugu ya Sitting Volleyball bahamagariwe kwitegura Imikino Paralempike ya Tokyo 2020 izaba mu mpeshyi ya 2021

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .