RRA VC yatsinze Shooting yo mu Misiri amaseti 3-0 ntiyakomeza muri 1/4

Yanditswe na IGIHE
Kuya 21 Werurwe 2019 saa 04:24
Yasuwe :
0 0

Ikipe ya Rwanda Revenue Authority (RRA VC), yatsinze umukino wa nyuma w’ijonjora ry’irushanwa nyafurika ritegurwa n’impuzamashyirahamwe y’umukino wa Volleyball muri Afurika (CAVB), ariko ntiyabasha gukomeza muri ¼.

Iri rushanwa ryo mu cyiciro cy’abagore riri kubera i Cairo mu Misiri. Ku munsi wa Gatanu w’iyi mikino ari na wo wa nyuma, RRA VC yatsinze Shooting yo mu Misiri amaseti 3-0.

Iyi ntsinzi ntiyatumye RRA VC ikomeza mu cyiciro gikurikiyeho kuko amakipe umunani yakomeje ari; GSP yo muri Algeria, Pipeline yo muri Kenya, FAP yo muri Cameroun, Customs yo muri Nigeria, Ahly, Sporting na El Shams zo mu Misiri na Carthage yo muri Tunisia.

Iri rushanwa ryitabiriwe n’amakipe 17 ari mu matsinda 4. Buri tsinda ryagombaga kuvamo amakipe abiri yabaye aya mbere akazahura muri ¼.
RRA VC, ihagarariye u Rwanda muri iri rushanwa, irahatanira umwanya wa 9 izahuriramo n’amakipe yo muri Kenya Prisons cyangwa KCB.

Uko imikino y’umunsi wa nyuma w’amatsinda yagenze

GSP (Algeria) v Nkumba (Uganda) amaseti 3-0

Canon (Ivory Coast) v USFA (Burundi) 3-0

FAP (Cameroon) v Pipeline (Kenya) 1-3

Shooting (Egypt) v Revenue (Rwanda) 0-3

DGSP (Congo) v Sporting (Egypt) 0-3

KCB (Kenya) v Carthage (Tunisie) 0-3

El Shams (Egypt) v Prisons (Kenya) 3-1

Al Ahly (Egypt) v Customs (Nigeria) 3-0

Ikipe ya RRA yatsinze umukino wa nyuma mu itsinda ariko ntiyabasha gukomeza muri 1/4

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza