REG VC yasinyishije Dusenge wakinaga mu Misiri

Yanditswe na Eric Tony Ukurikiyimfura
Kuya 2 Ugushyingo 2020 saa 03:41
Yasuwe :
0 0

Ikipe ya REG VC yabaye iya gatatu muri Shampiyona ya 2019/20, yasinyishije Dusenge Wyclif wakiniraga Canal Sports Club yo mu Misiri.

Dusenge w’imyaka 21, ni umwishywa wa Dusabimana Vincent ‘Gasongo’ na we ukinira REG VC.

Ibinyujije kuri Twitter, REG VC yatangaje ko yasinyishije uyu mukinnyi ku masezerano y’imyaka ibiri, aho agiye gusimbura Mukunzi Christophe wamaze gutandukana na yo.

Amakuru IGIHE yamenye ni uko Dusenge Wyclif yasinyiye REG VC mu gihe agitegereje kumenya niba azasubira mu ikipe yo mu Misiri yamuhembaga 2000$ ku kwezi, ariko akaba yaravuyeyo kubera icyorezo cya COVID-19.

Dusenge yatangiye kumenyekana mu 2015 ubwo yigaga mu mashuri yisumbuye muri Groupe Scolaire Officielle de Butare binyuze mu mikino ihuza amashuri.

Mu 2017 nibwo yitabajwe n’umutoza Mutabazi Elie wa APR VC, atangira kuyikinira mu gihe yayivuyemo yerekeza muri Gisagara VC mu 2019.

REG VC yatwaye igikombe cya Shampiyona ya 2018/19, yamusinyishije nyuma yo kugorwa n’imikino ya playoffs ya 2019/20, aho yabaye iya gatatu muri Shampiyona yasojwe ku wa Gatandatu.

REG VC yasinyishije Dusenge Wyclif ku masezerano y'imyaka ibiri
Dusenge Dusenge Wyclif yari amaze umwaka umwe agiye gukina mu Misiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .