00:00:00 IGIHE NETWORK KN KINYARWANDA EN ENGLISH FR FRANCAIS

Gisagara VC na UVC zegukanye irushanwa ritegurwa n’Akarere ka Gisagara

Yanditswe na Eric Tony Ukurikiyimfura
Kuya 6 Ukuboza 2021 saa 07:10
Yasuwe :

Gisagara VC mu bagabo na UVC mu bagore ni zo zegukanye irushanwa ritegurwa n’Akarere ka Gisagara, ryasojwe ku Cyumweru, tariki ya 5 Ukuboza 2021.

Iri rushanwa ryabaye iminsi ibiri, ryari ryitabiriwe n’amakipe 12 arimo arindwi y’abagabo n’andi atanu y’abagore.

Mu bagabo, ryegukanwe n’ikipe ya Gisagara VC itsinze umukino wa nyuma yahuriyemo na United VC amaseti 3-1.

Muri ½, UVC yari yatsinze REG VC amaseti 3-2 naho Gisagara VC itsinda Kirehe VC 3-0.

Mu bagore, UVC yegukanye iri rushanwa nyuma yo gutsindira ku mukino wa nyuma RRA amaseti 3-0.

Muri ½, UVC yari yatsinze KVC amaseti 3-0 naho RRA itsinda IPRC Huye amaseti 3-0.

Ikipe ya mbere yahembwe ibihumbi 500 Frw, iya kabiri ihabwa ibihumbi 300 Frw naho iya gatatu ihembwa ibihumbi 200 Frw.

Mu irushanwa ntibajya bakinira umwanya wa gatatu ahubwo amakipe yatsindiwe ku kinyuranyo gito muri ½ ni yo ahemberwa umwanya wa gatatu, aho yabaye REG VC mu bagabo na IPRC-Huye mu bagore.

Uretse ibi ibihembo by’amakipe, hahembwe kandi abakinnyi ku giti cyabo; umukinnyi mwiza w’irushanwa mu bagabo aba Malinga Kathbart wa Gisagara VC mu gihe mu bagore, yabaye abandi ni Mukandayisenga Benita ukinira UVC.

Abakinnyi bitwaye neza ku myanya yose mu bagabo ni: Rukundo Bienvenue (UVC), Muvara Ronald (Gisagara), Malinga Kathbart (Gisagara), Muvunyi Fred (UVC), Mahoro Yvan (UVC) na Niyigena Jules (Gisagara).

Mu bagore, abitwaye neza kurusha abandi ni Cyuzuzo Yvette (UVC), Uwamahoro Béatrice (RRA), Mukandayisenga Benita (UVC), Malinda Sharon (UVC), Nzamukosha Olive (RRA) na Habiba Namala (RRA).

Ubwo iri rushanwa ryaherukaga kuba mu 2019, ryegukanywe na UTB VC (yahindutse UVC) nyuma yo gutsinda REG VC amaseti 3-2 naho Gisagara VC yegukana umwanya wa gatatu itsinze Kirehe VC amaseti 3-1.

Abakinnyi ba Gisagara VC mu byishimo nyuma yo kwegukana irushanwa ritegurwa n'aka Karere batsinze REG VC
UVC yegukanye irushanwa mu bagore nyuma yo kwigaranzura RRA yari yayitwaye irushanwa ryo gushimira abasora neza
Abanya-Gisagara bari bashyigikiye ikipe yabo, bongeye kuryoherwa na Volleyball
Mukandayisenga Benita wabaye umukinnyi w'irushanwa mu bagore
Malinga Kathbart, Niyigena Jules na Muvara Ronald bari mu bakinnyi bitwaye neza mu bagabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .