00:00:00 IGIHE NETWORK KN KINYARWANDA EN ENGLISH FR FRANCAIS

Perezida w’impuzamashyirahamwe y’imikino ngororangingo ku Isi ari mu Rwanda

Yanditswe na Mihigo Saddam
Kuya 20 April 2022 saa 09:50
Yasuwe :

Perezida w’impuzamashyirahamwe y’imikino ngororangingo ku isi (International Gymnastics Federation /IGF), Morinari Watanabe ari mu Rwanda mu ruzinduko rw’iminsi itatu.

Morinari Watanabe w’imyaka 63 uyobora iyi mpuzamashyirahamwe kuva muri Mutarama 2017, yageze mu Rwanda kuri uyu wa Kabiri akazasoza uruzinduko rwe kuri uyu wa Kane tariki 21 Mata 2022.

Kuri gahunda ya Morinari Watanabe uvuka mu Buyapani hariho ko muri iyi minsi itatu agomba kuganira na Minisitiri wa siporo, Aurore Mimosa Munyangaju.

Harimo kandi gusura urwibutso rwa Jenoside rwa Kigali ruri ku Gisozi, guhura na Perezida wa Komite Olempike y’u Rwanda, Uwayo Théogène.

Kuri uyu wa Gatatu biteganyijwe ko agera kuri Kigali Arena ahabera imyiyereko y’imikino ngororangingo itandukanye. Nyuma araza kuganira n’abayobozi b’ishyirahamwe ry’imikino ngororangingo mu Rwanda (FERWAGY), asure Ambasade y’u Buyapani mu Rwanda mbere y’uko ataha kuri uyu wa Kane.

Impuzamashyirahamwe y’imikino ngororangingo ku isi (InternationalGymnastics Federation /IGF) ifite icyicaro i Lausanne mu Busuwisi kuva yashingwa mu 1881.

Perezida w’impuzamashyirahamwe y’imikino ngororangingo ku isi, Morinari Watanabe ari i Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .