00:00:00 IGIHE NETWORK KN KINYARWANDA EN ENGLISH FR FRANCAIS

Abasaga 5000 bamaze kwiyandikisha muri ’Kigali International Peace Marathon ya 2024’

Yanditswe na Eric Tony Ukurikiyimfura
Kuya 28 May 2024 saa 01:27
Yasuwe :

Mu gihe habura iminsi 11 ngo habe isiganwa mpuzamahanga rya Kigali International Peace Marathon, abagera ku 5575 bamaze kwiyandikisha ngo bazaryitabire mu byiciro bitandukanye.

Marathon Mpuzamahanga ya Kigali yitiriwe amahoro, iheruka gushyirwa ku rwego rwa gatatu rw’amarushanwa akomeye ku Isi ’Global Elite Label Status’.

Global Elite Label Status ni icyiciro cya gatatu cy’amarushanwa akomeye ku Isi nyuma ya Gold na Platinum.

‘Kigali International Peace Marathon’ y’uyu mwaka iteganyijwe tariki ya 9 Kamena ndetse iri rushanwa rizaba ku nshuro yaryo ya 19 kuva mu 2005.

Ishyirahamwe ry’Imikino Ngororamubiri mu Rwanda (RAF) ryatangaje ko mu gihe habura iminsi 11 gusa ngo irushanwa ribe, hamaze kwiyandikisha abantu 5575.

Abo barimo abanyamahanga 2984 barimo 1201 muri Half Marathon na 514 muri Full Marathon mu gihe abazazitabira muri Run for Peace ari 1269.

Abanyarwanda bamaze kwiyandikisha ni 2591 barimo 702 muri Half Marathon, 95 muri Half Marathon na 1794 muri Run for Peace.

Kigali International Peace Marathon ikinwa mu byiciro bitatu ari byo ‘Full Marathon’ y’ibilometero 42.195, Half Marathon y’ibilometero 21.098 na Run for Peace [ku batarushanwa] y’ibilometero 10.

Mu irushanwa riheruka kuba mu 2023, Abanya-Kenya bihariye imidali kuko muri 12 ba mbere, begukanyemo 10. By’umwihariko mu bagabo, George Onyancha yegukanye Full Marathon akoresheje amasaha abiri, iminota 17 n’amasegonda 41.

Ni mu gihe mu bagore, Umunya-Ethiopia Muluhebt Tsega yabaye uwa mbere akoresheje amasaha abiri, iminota 35 n’amasegonda 17.

Kwiyandikisha ku bazitabira iri rushanwa byamaze gutangira aho bikorerwa ku rubuga rwaryo.

Abanyamahanga bishyura 30$ na 27€ naho ababa mu Rwanda bishyura 5000 Frw nk’uko bimeze ku Banyarwanda. Abaturuka muri Afurika y’Iburasirazuba bishyura 10$ na 9€.

Kigali International Peace Marathon yazamuriwe urwego hashingiwe ku mitegurire myiza, ihangana, kwitabirwa n’abakinnyi bakomeye ku Isi, gukurikiza neza amategeko n’amabwiriza ndetse no gushyira imbaraga mu kurwanya ikoreshwa ry’ibyongerambaraga bitemewe muri siporo (Anti-Doping).

Abakinnyi 12 bari mu 100 ba mbere bakomeye ku Isi bitezwe muri Marathon Mpuzamahanga ya Kigali y’uyu mwaka. Umunya-Kenya George Onyancha azongera kwitabira nyuma yo kwegukana iriheruka.

Mu 2023, abantu bagera ku 8,526 bo mu bihugu 48 byo ku migabane yose y’Isi ni bo biyandikishije muri ’Kigali International Peace Marathon’.

Indi nkuru wasoma: Abakinnyi 14 bazahagararira u Rwanda muri ’Kigali International Peace Marathon ya 2024’

Abasaga 5000 bamaze kwiyandikisha mu gihe habura iminsi 11 ngo habe Marathon Mpuzamahanga ya Kigali itangire

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .