Umuyobozi wa Federasiyo ya Taekwondo yarangije ‘Masters’ mu micungire ya Siporo

Yanditswe na Eric Tony Ukurikiyimfura
Kuya 18 Ukuboza 2020 saa 05:00
Yasuwe :
0 0

Umuyobozi wa Rwanda Taekwondo Federation (RTF), Bagabo Placide, yarangije amasomo y’Icyiciro cya Gatatu cya Kaminuza mu Miyoborere n’Imicungire y’inzego za Siporo ‘Sports Management’ muri Kaminuza Nkuru ya Seoul muri Korea y’Epfo.

Ni nyuma y’amasomo yari amazemo amezi 16, aho yayatangiye muri Kanama 2019, akayasoza mu ntangiriro z’Ugushyingo 2020, akaba yahawe impamyabumenyi mu muhango wabereye i Seoul muri Korea Y’Epfo ku wa Gatanu tariki ya 18 Ukuboza 2020.

Iyi mpamyabumenyi yayikuye muri Kaminuza ya mbere muri Korea, ikaba no mu za mbere zikomeye muri Asia no ku Isi muri rusange.

Bagabo yatangaje ko iyi mpamyabumenyi ivuze byinshi kuri Siporo yo mu Rwanda, kuko ubumenyi n’inararibonye yabonye mu gihe amaze muri Kaminuza Nkuru ya Seoul azabisangiza abandi mu gukomeza kurushaho kubaka inzego za siporo.

Yabonye Impamyabumenyi y’Icyiciro cya Gatatu cya Kaminuza muri ‘Sports Management’ yiyongera ku bandi bake barimo Umunyamabanga Uhoraho muri Minisiteri ya Siporo, Shema Maboko Didier, Rurangayire Guy Didier na Célestin Nzeyimana bayikuye muri Tsukuba University mu Buyapani.

Bagabo Placide ni Umuyobozi wa Rwanda Taekwondo Federation kuva muri Mutarama 2018, akaba yaratorewe manda y’imyaka ine ishobora kongerwa, aho yasimbuye Dr Hakizimana David kuri uwo mwanya.

Yatorewe kuba Perezida nyuma y’imyaka icyenda yari amaze ari Umunyamabanga Mukuru.

Bagabo Placide uyobora Ishyirahamwe Nyarwanda ry'umukino wa Taekwondo, yarangije icyiciro cya gatatu cya Kaminuza yigaga muri Korea y'Epfo
Bagabo yari amaze amezi 16 yiga ibijanye n'imicungire ya siporo muri Kaminuza Nkuru ya Seoul
Hamwe na bagenzi be, bahawe impamyabumenyi mu muhango wabaye kuri uyu wa Gatanu i Seoul

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .