Uyu mukino wa nyuma wabaye ku wa Gatandatu, tariki ya 25 Mutarama 2025 i Melbourne muri Australia.

Nimero ya mbere ku Isi, Sabalenka yagiye muri uyu mukino asabwa kuwutsinda kugira ngo akore amateka yo kwegukana iri rushanwa inshuro eshatu zikurikiranya, ibimaze imyaka 26 bidakorwa.

Ku rundi ruhande, nimero ya 19 ku Isi, Keys yifuzaga gukora amateka cyane ko yanitwaye neza muri iri rushanwa.

Uyu Munyamerika yatangiye umukino neza atsinda iseti ya mbere (6-3). Sabalenka yahise asubira mu mukino atsinda iya kabiri (6-2). Keys wagaragaza imbaraga nyinshi yatsinze iseti ya gatatu (7-5).

Muri rusange, umukino warangiye Madison Keys yatsinze Aryna Sabalenka amaseti 2-1 (6-3, 2-6, 7-5) yegukana Australian Open 2025 ari naryo rushanwa rya mbere rikomeye yegukanye.

Mu ijambo rye, Aryna Sabalenka yishimiye kongera gukorera amateka i Melbourne.

Ati “Bwa mbere ngera muri ½ nari hano i Melbourne none n’uyu munsi nahegukaniye Gland Slam ya mbere. Ibi bisobanuye byinshi kuri njye.”

Yakomeje avuga ko yari ategereje cyane iki gihe ndetse yabivuganye amarira menshi.

Umukino wa nyuma mu bagabo uteganyijwe ku Cyumweru, tariki ya 26 Mutarama 2025, aho uzahuza Jannik Sinner na Alexander Zverev.

Madison Keys yagaragaje imbaraga zikomeye

Sabalenka yagize iseti ya kabiri nziza

Sabalenka yari afite agahinda

Madison Keys yishimira intsinzi

Keys ibyishimo byamurenze ararira

Sabalenka yagowe no kwakira gutsindwa

Agahinda kari kose kuri Sabalenka

Keys yegukanye irushanwa rikomeye ku nshuro ya mbere mu mateka

Ibyishimo byari byose kuri Madison Keys

Sabalenka yaje kwiyakira yongera kumwenyura

Australian Open niryo rushanwa rikomeye ritangira umwaka muri Tennis