00:00:00 IGIHE NETWORK KN KINYARWANDA EN ENGLISH FR FRANCAIS

U Budage: Ikipe y’abagore ya Handball yatunguwe no gusanga hari camera zahishwe mu rwambariro rwayo

Yanditswe na Bukuru JC
Kuya 22 January 2022 saa 10:30
Yasuwe :

Ikipe y’abagore y’umukino wa Handball mu Budage, TuS Metzingen, yatunguwe no gusanga hari camera ebyiri zahishwe mu rwambariro rwayo ndetse yahise yitabaza inzego zibishinzwe kugira ngo uwabikoze akurikiranwe.

Ku wa Kane, TuS Metzingen ikina mu Cyiciro cya Mbere cya Handball mu Budage, yatangaje ko hari umuntu ikeka washyize camera ebyiri zifata amashusho mu rwambariro rwayo, aho kuri ubu hari iperereza riri gukorwa na polisi.

Iti “Iki gikorwa kigayitse cyakozwe n’umuntu twizera. Byatugizeho ingaruka twese.”

Muri iri tangazo, umutoza w’iyi kipe Ferenc Rott ntiyigeze atangaza amazina y’ukekwa cyangwa aho yari ahuriye n’ikipe.

Rott yakomeje agira ati “Twaganiriye kuri iki kibazo nk’ikipe kandi nishimiye uburyo abakinnyi bacu bashyize hamwe bakemera gukina umukino wa Bietigheim [ku wa Gatatu].”

“Ntabwo twabireka ngo birangire gutyo. Twakiriye ubufasha bwa polisi, ishyirahamwe rya Handball n’andi makipe muri ibi bihe bikomeye kandi turizera ko bizadufasha.”

Muri uyu mukino wabaye ku wa Gatatu, Metzingen yatsinzwe ibitegi 32-30, yandika ku mbuga nkoranyambaga zayo ko itazashyigikira uwo ari we wese ushaka kuyishyira hasi.

Umuvugizi wa polisi yabwiye ikinyamakuru Reutlinger General Anzeiger cyo mu Budage ko ikirego bacyakiriye ndetse bakiri gukora iperereza.

Ikipe ya TuS Metzingen yatunguwe no gusanga hari camera ebyiri zahishwe mu rwambariro rwayo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .