The Undertaker yasezeye ku mukino wo gukirana nyuma y’imyaka 30

Yanditswe na Eric Tony Ukurikiyimfura
Kuya 23 Ugushyingo 2020 saa 11:33
Yasuwe :
0 0

Umunyabigwi mu mikino yo gukirana (WWE), Mark Calaway uzwi nka The Undertaker, yasezeye ku Cyumweru ubwo hasozwaga irushanwa rya Survivor Series i Florida muri Amerika.

The Undertaker wari umaze imyaka 30 atangiye gukina muri Survivor Series, yashimiwe n’ibindi bihanganye mu mukino wo gukirana, birimo Triple H, Ric Flair, Vince McMahon ndetse na Paul Bearer.

Mark Calaway ‘The Undertaker’ cyangwa Deadman nk’uko bamwe bamwitaga, yasezeye ku myaka 55, aho yashimishije abakunzi bo gukirana mu myaka 30 ishize.

Mu gihe yamaze akina, The Undertaker yegukanye ibikombe birindwi muri WWE ndetse yigeze gutsinda imikino 21 yikurikiranya mu irushanwa rya WestleMania.

Abandi bakinnyi bakomeye bahanganye na we barimo Shane McMahon, Big Show, JBL, Jeff Hardy, Mick Foley, Kevin Nash, Booker T, Shawn Michaels, Ric Flair, Triple H na Kane bamushimiye uburyo yitwaye mu myaka yamaze akirana.

Mu ijambo yavuze asezera, The Undertaker yagize ati “Mu gihe cy’imyaka 30, naje muri uru rwaniro gake gake ndetse nafashije benshi kujya kuruhuka. Kuri ubu nanjye igihe cyanjye cyageze.”

Mu gihe yavugaga aya magambo, bamwe mu bafana barebaga irUshanwa mu buryo bw’amashusho bamushimiye bagira bati “Warakoze Taker”, yongeraho ati “Igihe cyanjye cyageze ngo ndeke The Undertaker aruhukire mu mahoro.”

The Undertaker yunamiye kandi uwahoze ari umujyanama we, Paul Bearer (Bill Moody) witabye Imana mu 2013.

Mark Calaway ‘The Undertaker’ yasezeye ku mukino wo gukirana
Undertaker yari amaze imyaka 30 akirana bya kinyamwuga
Mark Calaway ‘The Undertaker’ yari umwe mu bakinnyi bakomeye mu mikino WWE

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .