Ni umukino utagoye Djokovic cyane nubwo Lehecha uri ku mwanya wa 24 ku Isi yagerageje kwihagararaho mu minota ya nyuma ariko bikanga.

Mu mikino ya ¼, Djokovic azahura na Carlos Alcaraz mu mukino utegerejwe na benshi kuko aba bakinnyi bombi bari mu bahabwa amahirwe yo kwegukana iri rushanwa.

Icyakora, Alcaraz amaze iminsi yitwara neza imbere ya Djokovic kuko yamutsinze ku mukino wa nyuma kuko yamutwaye Wimbledon ebyiri ziheruka.
Ni mu gihe undi nawe yamutwaye umudali wa zahabu mu Mikino Olempike iheruka kubera i Paris mu mpeshyi ya 2024.

Ni ku nshuro ya 15 Djokovic ageze muri ¼ cya Australian Open, ari gushaka uko yegukana iri rushanwa ngo ribe Grand Slam ya 25 yegukanye ari nako yandika amateka mashya yo kugira nyinshi.

Kugeza ubu, undi mukino wa ¼ uzahuza Umunyamerika Tommy Paul n’Umudage Alexander Zverev.

Djokovic yatsinze Lehecka asanga Alcaraz muri 1/4

Jiri Lehecka yagerageje kwihagararaho ariko biranga

Jiri Lehecka asanzwe ari nimero ya 24 ku Isi

Novak Djokovic yageze muri 1/4 cya Australian Open ku nshuro ya 15

Umukino wa Carlos Alcaraz na Djokovic ni umwe mu itegerejwe cyane