00:00:00 IGIHE NETWORK KN KINYARWANDA EN ENGLISH FR FRANCAIS

Taekwondo: Ibihugu bine bimaze kwiyandikisha kuzitabira shampiyona nyafurika izabera mu Rwanda

Yanditswe na Mihigo Saddam
Kuya 20 April 2022 saa 04:24
Yasuwe :

Ibihugu bine ni byo bimaze kwiyandikisha ngo bizitabire shampiyona Nyafurika y’uyu mwaka y’umukino njyarugamba wa Taekwondo izabera mu Rwanda kuva tariki 13-17 Nyakanga 2022.

Nk’uko byatangajwe n’ishyirahamwe ry’umukino wa Taekwondo mu Rwanda (RTF), Sénégal yakiriye shampiyona ya 2021 na Repubulika Iharanira Demokarasi ya Congo (RDC), ni bimwe mu bihugu byamaze kwandikisha abakinnyi.

Kuwa Kane tariki ya 7 Mata 2022 ni bwo urubuga rwo kwandikishirizaho abazitabira shampiyona ya Afurika rwafunguwe kuri internet.

Ku ikubitiro Somalie yahise yandikisha abakinnyi umunani (8) muri Kyorugi (sparring/fighting), Sudani yandikisha abakinnyi batanu bazarushanwa mu myiyereko (Poomsae).

Muri rusange ibihugu bimaze kwiyandikisha ni, Sénégal, RDC, Somalie na Sudan byiyongera ku Rwanda ruzakira irushanwa, igikorwa kizarangira kuwa 25 Kamena 2022.

Mu irushanwa nyirizina, kuwa 13-14 Nyakanga hazaba amarushanwa muri Poomsae, hanyuma kuwa 16-17 Nyakanga habe amarushanwa muri Kyorugi.

Irushanwa riheruka ryabereye muri Sénégal muri Kamena 2021, hitabiriye ibihugu 30 muri 52 bigize Ihuriro Nyafurika rya Taekwondo (African Taekwondo Uninon/ATU).

Sekanyambo Jean Paul (ibumoso) ubwo yari ahanganye n'umukinnyi wa Misiri muri Shampiyona Nyafurika iheruka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .