Ishyirahamwe ry’Umukino wa Table Tennis mu Rwanda, ritegura irushanwa ngarukamwaka igamije gukora urutonde rw’uko abakinnyi bazajya bahagararira u Rwanda mu marushanwa atandukanye harimo n’ayo hanze y’igihugu.

Iyi mikino yitabiriwe n’abakinnyi barenga 100 baturutse mu makipe arindwi ya Table Tennis, arimo ay’abagore n’ay’abagabo.

Muri uyu mwaka hatanzwe amahirwe ku abakinnyi bari mu myaka yo hasi bagashobora guhatana mu byiciro byo hejuru, biha amahirwe Munezero Didier yo guhatana mu batarengeje imyaka 19 kuzamura.

Munezero wa Spero Table Tennis Academy yatunguye benshi ubwo, ahita yitwara neza. Mu batarengeje imyaka 13 na ho yitwaye neza kuko yasoreje ku mwanya wa kabiri.

Iki cyiciro cyegukanywe na Ngabo Shukuru Ibonga wa Ubumwe Table Tennis Club, gusa na we yerekana ko ari umwe mu bakinnyi u Rwanda ruzajya rugenderaho mu mikino mpuzamahanga.

Mu cyiciro cy’abagore Kamikazi Elisabeth na we wa Spero Table Tennis Academy yegukanye iri rushanwa mu batarengeje imyaka 13 na 15, mu gihe Tumukunde Hervine yaryegukanye mu bakuze.

Mu marushanwa ateganyijwe bazahatanamo harimo iryo Kwibuka Jenoside yakorewe Abatutsi, Chinese Ambassador’s Cup, Shampiyona y’u Rwanda n’andi atandukanye.

Abakinnyi barenga 100 ni bo bahatanye muri iri rushanwa

Munezero Didier na Ngabo Shukuru Ibonga ni bamwe mu bitwaye neza mu byiciro by'abato

Ngabo Shukuru Ibonga yarushije abandi mu batarengeje imyaka 13

Munezero Didier ni umwe mu bakinnyi beza ba Table Tennis b'ejo hazaza

Tumukunde Hervine ukinira Rilima Table Tennis Club yegukanye igikombe mu bakobwa

Shimirwa Blaise wa Spero Table Tennis Academy yegukanye igikombe mu bafite munsi y'imyaka 19

Ngabo Shukuru Ibonga wa Ubumwe Table Tennis Club yegukanye ibikombe bibiri mu batarengeje imyaka 13 na 15

Kamikazi Elisabeth ukinira Spero Table Tennis na Agasaro Ketia ni bo bayoboye abandi mu bakobwa bato

Uwase Diane ukinira Spero Table Tennis Academy yegukunye umwanya wa mbere mu bakobwa batarengeje imyaka 19