00:00:00 IGIHE NETWORK KN KINYARWANDA EN ENGLISH FR FRANCAIS

Novak Djokovic yakoze amateka yo kwegukana Australian Open ku nshuro ya 10 (Amafoto)

Yanditswe na IGIHE
Kuya 29 Mutarama 2023 saa 10:37
Yasuwe :

Umunya-Serbie Novak Djokovic yakoze amateka yo kwegukana Irushanwa rya Tennis rya Australian Open ku nshuro ya 10, ni nyuma y’uko yatsinze Umugereki Stefanos Tsitsipas 6-3 7-6 (7-4) 7-6 (7-5).

Muri uyu mukino wa nyuma wakiniwe i Melbourne kuri iki Cyumweru, tariki ya 29 Mutarama 2023, Djokovic yatangiye neza mu iseti ya mbere yatsinze abikwiye kuri 6-3.

Mu iseti ya kabiri, Tsitsipas yagerageje guhindura ibintu ariko Djokovic aramuhindukirana amutsinda 7-6 mbere y’uko n’iseti ya nyuma yegukanwa n’uyu mugabo w’imyaka 35.

Tsitsipas w’imyaka 24, yaherukaga gutsindwa na Djokovic ubwo bahuriraga ku mukino wa nyuma wa French Open ya 2021.

Kwegukana Australian Open y’uyu mwaka bivuze ko Djokovic ataratsindirwa muri Mebourne Park kuva mu 2018, aho amaze kuhakinira imikino 28 mu bakina ari umwe.

Yongeye kwisubiza ikamba rya Australian Open nyuma y’uko mu 2022 atemerewe gukina iri rushanwa ndetse yirukanwe ku butaka bw’iki gihugu kuko atari yarikingije COVID-19.

Mu byishimo byinshi, uyu Munya-Serbia yagize ati “Byari urugendo rurerure, ariko ntirwari rusanzwe. Mu by’ukuri, muri iyi Australian Open nakinnye imwe muri Tennis yanjye nziza. Kuva mu cyiciro cya kane, muri ¼, muri ½, nakubitaga agapira nkumva birakunda.”

Iyi Australian Open ya 10 yatumye Djokovic ageza Grand Slam 22 anganya na Rafael Nadal wegukanye nyinshi mu mateka ya Tennis y’abagabo.

Djokovic araza gusubira kandi ku mwanya wa mbere ku rutonde rw’uko abakinnyi ba Tennis y’abagabo bakurikirana.

Novak Djokovic ntiyoroheye Tsitsipas ku mukino wa nyuma wakinwe kuri iki Cyumweru
Tsitsipas yongeye gutsindwa na Djokovic ku mukino wa nyuma wa Grand Slam
Byari ibyishimo bikomeye kuri Djokovic nyuma yo gutsinda umukino
Djokovic yegukanye Australian Open ku nshuro ya 10
Kwegukana Australian Open biratuma Djokovic asubira ku mwanya wa mbere ku Isi
Abanyamakuru bafata ifoto na Djokovic nyuma yo kuganira na we

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .