00:00:00 IGIHE NETWORK KN KINYARWANDA EN ENGLISH FR FRANCAIS

Novak Djokovic wari utegerejwe muri ’Australian Open’ yimwe Visa

Yanditswe na IGIHE
Kuya 6 Mutarama 2022 saa 08:05
Yasuwe :

Nimero ya mbere ku Isi muri Tennis, Novak Djokovic, yimwe visa imwemerera kwinjira muri Australia, aho yagombaga kwitabira irushanwa rya Australian Open aheruka kwegukana.

Novak Djokovic yabujijwe kwitabira Australian Open izaba hagati ya tariki ya 17 n’iya 30 Mutarama 2022, kuko ngo ‘atagaragaje icyangombwa cya muganga kimuha umwihariko ku buryo ashobora kwinjira muri iki gihugu atikingije COVID-19’.

Mu ntangiriro z’iki cyumweru nibwo byari byatangajwe ko Novak Djokovic, yemerewe kwitabira iri rushanwa nyuma yo gushyirirwaho umwihariko kuko atikingije COVID-19 nk’uko bisabwa.

Amakuru dukesha CNN avuga ko Guverinoma ya Australia yimye Visa uyu mugabo ngo kuko atagaragaza icyangombwa cya muganga cyatuma ahabwa umwihariko cyane ko abandi bakinnyi bose basabwe kuba barikingije kandi bakabyubahiriza.

Minisitiri w’Intebe wa Australia, Scott Morrison yavuze ko Novak Djokovic atemerewe Visa kuko atubahirije amabwiriza agenga abinjira muri iki gihugu.

Ati “Ntabwo yari afite icyangombwa cya muganga cyujuje ibisabwa, kwinjira bisaba kuba warahawe inkingo ebyiri cyangwa ufite icyangombwa cy’umwihariko wahawe n’abaganga. Nabwiwe ko icyo cyangombwa ntacyo yari afite, ku bw’ibyo yafatiwe icyemezo nk’ikireba abandi bose.”

“Hari visa nyinshi zatanzwe, iyo ufite visa kandi ukaba warahawe inkingo ebyiri uhawe ikaze ariko niba utarakingiwe kandi ukaba utari Umunya-Australia, birumvikana ntabwo waza.”

Djokovic asanzwe ari nimero ya mbere ku Isi muri Tennis. Yatwaye Australian Open mu nshuro eshatu iheruka kuba, anganya Grand-slam 20 na Rafel Nadal ndetse na Roger Federer utazakina irushanwa ry’uyu mwaka kubera imvune.

Australia yimye Visa Novak Djokovic

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .