Aba bakinnyi bombi basezerewe bakurikira Ishimwe Claude waviriyemo muri iki cyiciro ku wa Kabiri.

Muhire Joshua yasezerewe atsinzwe n’Umunyamerika Pranav Kumar 6-0, 6-1 naho Niyigena Étienne asezererwa na Preston Brown na we wo muri Amerika wamutsinze 7-5, 6-2.

Gutungurana k’umunsi kwabaye ku Munya-Zimbabwe Benjamin Lock wari ku mwanya w’agatatu w’abahabawa amahirwe, aho yasezerewe n’Umuhinde Adil Kalyanpur wamutsinze 6-4, 6-4.

Umufaransa Corentin Denolly uri mu begukanye Rwanda Open mu 2023, yageze muri 1/8 atsinze Umuhinde Sai Karteek Reddy Ganta amaseti 2-0 (7-5, 6-3).

Mu bakina ari babiri, Muhire Joshua afatanyije na Ngarambe Ivan Gift basezerewe muri 1/8 n’Umutaliyani Manuel Plunger afatanyije n’Umunya-Pérou Petr Iamachkine aho babatsinze 6-2, 6-3.

Ni mu gihe Manzi Rwamucyo David na Manishimwe Emmanuel basezerewe n’Abanya-Zimbabwe Benjamin Lock na Courtney John Lock babatsinze 6-2, 6-0.

Mu mikino ya 1/8 iteganyijwe ku wa Kane mu bakina ari umwe, harimo uzahuza Umwongereza Oliver Crawford, nimero ya 259 ku Isi uhagaze neza kurusha abandi mu irushanwa ry’uyu mwaka, n’Umurundi Iradukunda Guy Orly uri ku mwanya wa 1283 ku Isi.

Hari kandi uzahuza Umufaransa Corentin Denolly uri ku mwanya wa 416 n’Umunya-Mexique Rodrigo Alujas wa 1239.

Rwanda Open M25 iri kubera ku kibuga bya Tennis byo muri IPRC Kigali

Muhire Joshua yasezerewe atsinzwe n’Umunyamerika Pranav Kumar

Muhire Joshua atera agapira mu mukino yahuyemo na Pranav Kumar

Muhire Joshua yasezerewe atarenze 1/16

Umunya-Zimbabwe Benjamin Lock yatunguranye asezererwa muri 1/16 nyamara yari mu bakinnyi batatu bakomeye mu irushanwa

Imikino yo kuri uyu wa Gatatu yarebwe n'abarimo Rwego Ngarambe (hagati) ushinzwe Iterambere rya Siporo muri Minisiteri ya Siporo

Umunyarwanda Niyigena Étienne yasezerewe na Preston Brown wo muri Amerika

Ku nshuro ya kabiri yikurikiranya, Niyigena Étienne yasezerewe muri 1/16

Manzi Rwamucyo David na Manishimwe Emmanuel basezerewe n’Abanya-Zimbabwe Benjamin Lock na Courtney John Lock

Mu bakina ari babiri, Muhire Joshua afatanyije na Ngarambe Ivan Gift basezerewe n’Umutaliyani Manuel Plunger afatanyije n’Umunya-Pérou Petr Iamachkine muri 1/8