Minisitiri Munyakazi yatumye abaserukiye u Rwanda muri FEASSSA ibikombe, abibutsa ko nta rwitwazo (Amafoto)

Yanditswe na Eric Tony Ukurikiyimfura
Kuya 14 Kanama 2019 saa 10:06
Yasuwe :
0 0

Umunyamabanga wa Leta muri Minisiteri y’Uburezi ushinzwe Amashuri Abanza n’Ayisumbuye, Dr. Munyakazi Isaac, yasabye abanyeshuri baserukiye u Rwanda mu mikino ya FEASSSA izabera muri Tanzania ko nta rwitwazo bakwiye kugira mu gihe cyose babona umusaruro udashimishije kuko icyo batumwe ari ibikombe.

U Rwanda ni kimwe mu bihugu bizitabira imikino y’abanyeshuri ihuza ibigo byo mu Karere ka Afurika y’Iburazirazuba, aho ku nshuro yayo ya 18 izabera mu Mujyi wa Arusha guhera tariki ya 16 kugeza ku ya 25 Kanama 2019.

Ubwo yaganiraga n’iri tsinda ry’abanyeshuri n’abayobozi bagiye babayoboye ku mugoroba wo ku wa Kabiri muri IPRC-Kigali, Dr. Munyakazi yasabye abagiye bayoboye abana kuzabakurikirana ku buryo nta n’umwe uzagira ikibazo.

Yagize ati "Kuyobora abantu bangana namwe, bakabavana mu gihugu babajyana mu kindi, banyura mu nzira zitandukanye, mu masaha atandukanye, rimwe na rimwe bahura n’ibizazane bishobora kuba binatunguranye. Ndagira ngo mbasabe rwose, uko mwese muri hano ntihazagire ugira ikibazo icyo ari cyo cyose. Mu mpamba batwaye, batware n’iyacyemura ikibazo cyatungurana tutigeze dutegura.”

Dr Munyakazi yasabye abaserukiye igihugu kuzakora neza icyabajyanye ndetse ntibazagire urwitwazo rw’uko bafashwe nabi kuko Leta y’u Rwanda yiteguye kubaba hafi.

Ati ”Ntabwo twifuza ko hari uwatubwira ngo yahuye n’ubuzima bubi. Nibiba ngombwa bazatubwire ngo ubuzima bugiye kuba bubi. Ntabwo dushaka ko hazaba urwitwazo ngo ntabwo twatsinze kuko twafashwe nabi.”

Yabwiye by’umwihariko abakina umupira w’amaguru ko n’ubwo Amavubi atagiye mu Gikombe cya Afurika, bagomba kwereka abana bo mu bihugu byagikinnye ko u Rwanda rubari hejuru.

Abakina Basketball basabwe gukomeza gutera ikirenge mu cya bakuru babo, aba Volleyball na bo basabwa kwihagararaho muri iyi mikino, aho bibukijwe ko hari abantu benshi baba bareba abanyampano babarimo.

Ati "Iyo ugiye gukina ugenda ushaka intsinzi. Ni ibyo. Mujye muhora mubyibutsa abana. Hari amakipe twakuyemo dusigaza ashobora kuduhesha ibikombe. Impamvu mwe mwasigaye ni uko bababonyemo ubwo bushobozi.”

Mbere yo guhabwa ibendera ry’igihugu, ba kapiteni b’amakipe bahigiye imbere ya Minisitiri, bavuga ko biteguye gutwara ibikombe bigendanye n’imyiteguro bagize.

Amakipe 16 ahagarariye u Rwanda muri FEASSSA azahatana mu mikino itandukanye irimo Umupira w’Amaguru, Volleyball, Basketball na Handball.

Abagize aya makipe yose uko ari 316 bahagurutse mu Rwanda mu rukerera, saa 04:00, berekeza i Arusha muri Tanzania.

Uko amakipe ahagarariye u Rwanda yatomboye:

Basketball:

Abahungu:

Itsinda A: LDK (Rwanda), Don Bosco (Tanzania), Laiser Hill (Kenya), LL Tanganyika (Burundi), Kibuli (Uganda).

Itsinda B: Buddo (Uganda), Seroma Christian High School (Uganda), Collège St Marie Reine (Rwanda), Galanos (Tanzania), Dagoretti (Kenya).

Abahungu:

Itsinda A: St Mary’s Kitende (Uganda), Ste Bernadette (Rwanda), Joseph and Mary (Tanzania), Olukeswa (Tanzania), Nabisunsa Girls (Uganda), Kayatiwi (Kenya).

Itsinda B: Buru Buru (Kenya), Machame (Tanzania), St Noa Girls (Uganda), St Therese Gitega (Burundi), Juhudi (Tanzania), LDK (Rwanda).

Handball:

Abahungu:

Itsinda A: ADEGI (Rwanda), LLT (Burundi), St Lucia (Uganda), College Gisenyi (Rwanda), Mbooni (Kenya), Kilombero (Tanzania).

Itsinda B: Kimilili (Kenya), Gombe (Uganda), ES Kigoma (Rwanda), Vwawa (Tanzania), Kakungulu Memorial (Uganda).

Abakobwa:

Itsinda A: Kibuli (Uganda), Kizuka (Tanzania), Mugara (Burundi), Kamusinga (Kenya).

Itsinda B: Kiloe (Tanzania), Kilandich (Kenya), Kawanda (Uganda), Moi Girls (Kenya), Mbogo High (Uganda), Kiziguro (Rwanda).

Football:

Abahungu:

Itsinda A: Buddo SS (Uganda), Standard High Sch Zzana (Uganda), Lindi (Tanzania), St. Anthony (Kenya).

Itsinda B: lNL Ngozi (Burundi), Jinja SS (Uganda), Vwavwa (Tanzania), Alliance (Tanzania), LDK (Rwanda).

Itsinda C: Malawi, Dagoretti (Kenya), St.Mary’s Kitende (Uganda), Ruwuiko (Tanzania).

Abakobwa:

Itsinda A: Nyakache (Kenya), Mukono high (Uganda), Kihesa (Tanzania), St. Noa Girls (Uganda), Archbshop njenga (Kenya), Kibasila (Tanzania)

Itsinda B: Kawempe Moslem (Uganda), Mkalapa (Tanzania), GS Remera Rukoma (Rwanda), Alliance (Tanzania), Itigo (Kenyan), Ltcr Mushasha (Burundi).

Volleyball:

Abahungu:

Itsinda A: PS Karubanda (Rwanda), Don Bosco Gatega (Rwanda), Lelmokwo (Kenya), Tuangoma (Tanzania), Standard High Zana (Uganda)

Itsinda B: Magonga (Kenya), Lt St Luc (Burundi), Mbogo Mixed (Uganda), IPRC Karongi (Rwanda), Dynamic (Uganda), Milambo (Tanzania).

Abakobwa:

Itsinda A: Kwansanze (Kenya), St Aloys (Rwanda), Mukalapa (Tanzania), Lnda Bukeye (Burundi), Kinaawa High Mugongo (Uganda).

Itsinda B: Makongo (Tanzania), Soweto (Kenya), Trust High (Uganda), GS Indangaburezi (Rwanda), Cheptil (Kenya).

Umunyamabanga wa Leta muri Minisiteri y'Uburezi ushinzwe Amashuri Abanza n'Ayisumbuye, Dr. Munyakazi Isaac, yasabye abagiye guhagararira u Rwanda muri FEASSSA kuzazana ibikombe
Amakipe 16 ni yo azahagararira u Rwanda mu mikino ine
Abanyeshuri bagiye bari kumwe n'inararibonye zirimo Kamanzi Karim (ibumoso) wakinnye CAN ya 2004 muri Tunisie
Abatoza bamenyerewe mu Rwanda bajyanye n'aya makipe
Aba banyeshuri bashyikirijwe ibendera ry'igihugu mbere yo guhaguruka mu Rwanda mu rukerera rwo kuri uyu wa Gatatu
Ba kapiteni b'amakipe bijeje Minisitiri kuzitwara neza no kwegukana ibikombe

Amafoto: Usanase Anitha


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza