00:00:00 IGIHE NETWORK KN KINYARWANDA EN ENGLISH FR FRANCAIS

Mike Tyson yakuriye ingofero Gervonta Davis wagereranyijwe na we akiri umusore

Yanditswe na Uwase Kevine
Kuya 16 Mutarama 2023 saa 06:16
Yasuwe :

Umunyabigwi Mike Tyson yashimagije umusore muto Gervonta Davis, ukomeje kugereranywa na we mu buryo yahoze arwana mu mukino w’iteramakofe.

Michael Gerard Tyson wamamaye nka Mike Tyson nk’umunyabigwi mu iteramokofe, yagaragaje ko Gervonta Davis “Tank” ari mu nzira zo kuba umunyabigwi kuko afite impano ihambaye mu iteramakofe.

Ubwo Mike Tyson yaganiraga n’Ikinyamakuru ‘TMZ’, yagize ati “Tank ni umuteramakofe mwiza, na we azaba umunyabigwi nakomeza gukina.”

Gervonta Davis w’imyaka 28 wamenyekanye nka Tank, yaciye agahigo ko gukina iteramakofe mu myaka icyenda aho yatsinze imikino 28 yose mu gihe Mike Tyson yakinnye imikino 58 atsindamo 50.

Ibi byatumye abantu batangira kugereranya aba bombi, bavuga ko Davis ameze nka Mike Tyson akiri umusore ubwo yakinaga iteramakofe mu 1990.

Gervonta Davis yavukiye muri Leta ya Maryland muri Leta Zunze Ubumwe za Amerika. Yatangiye gukina ibijyanye n’iteramakofe afite imyaka 18 mu 2013.

Yatsindiye ibihembo byinshi birimo National Golden Gloves Championship, National Silver Championship n’ibindi.

Gervonta Davis mu myaka icyenda amaze mu iteramakofe amaze gukina imikino 28 kandi yose yarayitsinze
Mike Tyson yemeje ko Davis azatera ikirenge mu cye cyo kuba umunyabigwi mu iteramakofe
Mike Tyson yakuriye ingofero Gervonta Davis wagereranyijwe na we akiri umusore

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .