00:00:00 IGIHE NETWORK KN KINYARWANDA EN ENGLISH FR FRANCAIS

Lewis Hamilton agiye gushimirwa n’Umwamikazi Elizabeth II

Yanditswe na Eric Tony Ukurikiyimfura
Kuya 14 Ukuboza 2021 saa 08:35
Yasuwe :

Lewis Hamilton ukinira Mercedes muri Formula 1, azashyikirizwa umudali w’izina rya Sir yahawe n’Umwamikazi w’u Bwongereza, Elizabeth II, mu muhango uzabera muri Windsor Castle ku wa Gatandatu.

Hamilton aherutse kubura amahirwe yo guca agahigo ko gutwara Shampiyona nyinshi za F1, aho yananiwe gutwara iya munani nyuma yo gutsindwa na Max Verstappen ku Cyumweru.

Gusa, ku wa Gatatu w’iki cyumweru, tariki ya 15 Ukuboza 2021, azambikwa umudali w’ izina ry’icyubahiro rya Sir yahawe mu mpera z’umwaka ushize kubera ibikorwa by’indashyikirwa yakoze mu mukino wo gusiganwa mu modoka ntoya wa Formula 1.

Uyu mugabo w’imyaka 36, umaze kwegukana Shampiyona ya F1 inshuro zirindwi anganya na Michael Schumacher, azaba abaye umupilote wa kane wo muri F1 ubaye Sir nyuma ya Jackie Stewart, Stirling Moss na Jack Brabham.

Gushyikirizwa uyu mudali bishobora kongera gusubiza ibyishimo ku maso ya Hamilton wavuze ko yibwe ubwo yatsindwaga na Max Verstappen muri Grand Prix yabereye i Abu Dhabi ku Cyumweru.

Hamilton yari yahawe izina rya MBE (Member of the Most Excellent Order of the British Empire) mu 2009, umwaka umwe nyuma yo kwegukanaga igikombe cya mbere cya F1 mu 2008.

Abandi bakinnyi baherukaga gushimirwa n’Umwamikazi Elizabeth II mu myaka ya vuba, barimo Andy Murray, Mo Farah na Alastair Cook.

Lewis Hamilton usanzwe ari MBE, agiye guhabwa izina rya Sir n'Umwamikazi Elizabeth II
Hamilton ntiyishimiye gutsindwa na Verstappen ku Cyumweru
Max Verstappen yanyuze kuri Hamilton mu gace ka nyuma k'isiganwa ryabereye i Abu Dhabi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .