Uyu mugore yabigezeho nyuma yo gutsinda mugenzi we bakinana mu Ikipe y’Igihugu ya Grande-Bretagne, Phoebe Paterson.

Grinham yegukanye uyu mudali yo nyuma gutwara uwa Feza muri iyi mikino yo mu 2016 yabereye i Rio de Janeiro.

Uyu mubyeyi wari wabanje kurwara mu cyumweru mbere y’iyi mikino, yatangaje ko atewe ishema n’ibyo yakoze.

Ati “Mu by’ukuri ntewe ishema nibyo nakoze. Ntabwo byari byoroshye ariko igihe cyose meze neza n’umwana ameze neza numvaga nzabasha guhatana. Narimbizi ko nimbasha kurasa neza ndatwara umudali.”

Yakomeje avuga ko umwana yamuteraga ingabo mu bitugu.

Ati “Umwana yakomeje gutera imigeri cyane asakuza ambaza icyo ndi gukora gusa cyari ikimenyetso kinyibutsa umufana ukomeye mfite mu nda.”

Grinham azongera guhatana ku wa Mbere, tariki 2 Nzeri, aho azaba akina ari kumwe na Nathan MacQueen.

Jodie Grinham yegukanye Umudali w'Umuringa atwite inda y'amezi arindwi

Jodie Grinham yishimira intsinzi