Ikipe y’u Rwanda yitabiriye Ambassador’s Cup muri Korea y’Epfo

Yanditswe na Eric Tony Ukurikiyimfura
Kuya 11 Ugushyingo 2019 saa 04:27
Yasuwe :
0 0

Ikipe y’igihugu ya Taekwondo yageze muri Korea y’Epfo aho yitabiriye imikino mpuzamahanga ya 2019 Korean Ambassador’s Cup Taekwondo World Championship.

Ikipe y’u Rwanda ya Taekwondo ikina imyiyereko (Poomsae) igizwe n’abakinnyi babiri ndetse n’Umutoza umwe yahagurutse i Kigali kuri iki Cyumweru tariki ya 10 Ugushyingo saa 15:40 yerekeza mu Mujyi wa Muju ho muri Korea y’Epfo.

Iyi kipe igizwe na Uwayo Clarisse na Birushya Emmanuel ndetse n’Umutoza Mbonigaba Boniface yageze muri Korea mu gitondo cy’uyu wa Mbere.

Abakinnyi bagombaga kuba baragiye ku wa Gatandatu, ariko urugendo ruza gusubikwa bitewe n’ikibazo cy’indege yagombaga kubatwara.

Uwayo na Birushya ni abakinnyi batoranyijwe mu bandi benshi beza nyuma yo kwegukana imyanya ya mbere mu Rwanda, hanyuma amashusho yabo akoherezwa mu buyobozi bwateguye iri rushanwa muri Korea, maze bashima urwego bariho, bemeza ko bazajya kurushanwa n’ibindi bihangange ku Isi.

Si ubwa mbere u Rwanda rwitabiriye iri rushanwa kuko ubwo ruherukayo mu 2017, rwegukanye Umudali wa Feza, wegukanywe na Mbonigaba Boniface.

Korean Ambassador’s Cup Taekwondo World Championship ni irushanwa riba buri myaka ibiri, iry’uyu mwaka rikaba riteganyijwe gutangira ku wa Gatatu tariki ya 13 Ugushyingo 2019.

Birushya Emmanuel na Uwayo Clarisse bajyanye n'umutoza Mbonigaba mu mikino mpuzamahanga ya Ambassador’s Cup izabera muri Korea y’Epfo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza