00:00:00 IGIHE NETWORK KN KINYARWANDA EN ENGLISH FR FRANCAIS

Igihembo cya “Inzozi Jackpot Lotto” cyageze kuri miliyoni 10 Frw

Yanditswe na Muyisenge Jean Felix
Kuya 23 June 2022 saa 05:25
Yasuwe :

Ubu abakinnyi b’umukino wa ‘Jackpot Lotto’ bashyizwe igorora nyuma y’aho Inzozi Lotto yazamuye igihembo nyamukuru cy’uyu mukino kigashyirwa kuri miliyoni 10Frw.

Gukina ‘Jackpot Lotto’ umuntu ahitamo imibare itandatu muri 49. Ku Cyumweru ni bwo abatsinze batangarizwa kuri Televiziyo y’u Rwanda.

Uwahisemo imibare ihuye n’iyatangajwe ni we utangazwa nk’uwatsinze, utega kuri uyu mukino itike ye ayigura 500 Frw.

Kugira ngo utsinde uri uwa mbere uhabwe miliyoni 10 Frw, bisaba kuba wavuze imibare itandatu n’undi utangwa nk’inyongera ikaba ihura n’iyagaragajwe nk’iyatsinze.

Inzozi Lotto kandi igenera ibihembo bitandukanye abantu babasha gutombora imibare ihuye n’iyatangajwe guhera kuri ine, kugera kuri itandatu.

Si iyi Jack Pott Lotto gusa kuko inzozi Lotto ifite indi mikino ushobora gukina harimo, ‘Quick Lotto’, aho uwakinnye ahitamo umubare umwe muri 35 [ni ukuvuga hagati ya 0-34], akavuga amafaranga awutegeye, yatsinda agakubirwa inshuro 15.

Undi mukino ni ‘QUICK 10’, aho uwukina asabwa gushora amafaranga ari hejuru ya 300 Frw, yatsinda agakubirwa inshuro esheshatu.

Muri uyu mukino, abakinnyi bashobora gutombora imibare 10, kuva kuri zeru kugera ku icyenda (0-9). Abakinnyi babashije gukina neza bagahuza imibare isabwa, baba batsinze kandi bagatangazwa buri minota itanu.

Iyi tombola ya Inzozi Lotto ishyirwa mu bikorwa na sosiyete Carousel Ltd ifatanyije na Minisiteri ya Siporo mu Rwanda binyuze mu masezerano y’imyaka 10 bagiranye, agamije gukomeza kwimakaza politiki yo guteza imbere siporo mu gihugu.

Iyo abantu bakinnye, 47% by’amafaranga yinjiye asubira ku isoko agahabwa abatsinze, 20% ahabwa Minisiteri ya Siporo akajya mu bikorwa byo guteza imbere siporo mu Rwanda.

Kuva mu ntangiriro za 2022 tombola ya Inzozi Lotto itangijwe, nibura miliyoni zisaga 110Frw zimaze gusaranganywa mu baturarwanda bayikinnye barimo abakoresheje ikoranabuhanga n’abanyuze ku ba agents. Ni mu gihe abakinnyi basaga ibihumbi 500 ari bo bamaze kwiyandikisha.

Buri wese wujuje imyaka 18 no hejuru yayo, ashobora gukina yifashishije ‘aba-agents’ bari hirya no hino ku mihanda cyangwa agakoresha telefoni akanda *240#. Ushobora no gusura urubuga rwa www.inzozilotto.rw

Igihembo cya Jackpot Lotto cyatumbagijwe gishyirwa kuri miliyoni 10 Frw

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .