Hirwa wari kapiteni w’ikipe y’igihugu ya Cricket yasezeye mu mikino mpuzamahanga

Yanditswe na Eric Tony Ukurikiyimfura
Kuya 27 Nyakanga 2020 saa 12:10
Yasuwe :
0 0

Uwari Kapiteni w’Ikipe y’Igihugu ya Cricket, Dusabemungu Hirwa Eric, yasezeye gukina imikino mpuzamahanga nyuma y’imyaka 14 ahagararira u Rwanda mu marushanwa atandukanye.

Hirwa Eric yari amaze umwaka umwe gusa agizwe kapiteni w’ikipe y’igihugu, mu gihe yari visi kapiteni kuva mu 2012.

Mu kiganiro yagiranye na IGIHE, yavuze ko igitekerezo cyo gusezera gukina yari akimaranye iminsi.

Ati “Ni igitekerezo nagize muri Gashyantare, ariko nabitangaje uyu munsi. Nari maze imyaka 14 nkinira ikipe y’igihugu kuva mu 2006, ariko nari maze gusubira inyuma mu buryo nitwaraga mu kibuga, kandi ndashaka no gushyira imbaraga mu butoza kuko ubu nabifatanyaga.”

Hirwa wakiniye amakipe arimo Indorwa n’Impala kuri ubu akinira Zonic Tigers Cricket Club.

Mu gihe amaze ari umukinnyi, Hirwa yatowe nk’umukinnyi mwiza uzi kujugunya udupira kurusha abandi (best bowler) mu gihe cy’imyaka 10, mu gihe kandi yahawe igihembo nk’iki mu irushanwa ryabereye muri Afurika y’Epfo.

Yasabye abakinnyi bakiri bato gukina Cricket bayikunze, kuko ari cyo kizabafasha kugera ku ntego zabo no gutera imbere.

Dusabemungu Hirwa Eric wari kapiteni w'Ikipe y'Igihugu ya Cricket yasezeye gukina mu mikino mpuzamahanga
Hirwa Eric yari amaze imyaka 14 ari umukinnyi w'ikipe y'u Rwanda ya Cricket

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .