Ikipe ya Polisi y’Igihugu yatsinze umukino wa mbere, bityo yagiye muri uyu yifuza intsinzi ya kabiri, mu gihe iy’Ingabo z’Igihugu yarebaga uko yayigaranzura.

Icyakora Police yakomeje kugaragaza imbaraga ibifashijwemo na Mbesutunguwe Samuel na Kayijamahe Yves bayitsindiraga ibitego byinshi.

Igice cya mbere cyarangiye Police HC iyoboye umukino n’ibitego 18 kuri 14 bya APR HC.

Ikipe y’Ingabo wabonaga nta gisubizo ifitiye Mbesutunguwe kuko yakomeje gutsinda ibitego byinshi.

Ku rundi ruhande yageragezaga gufashwa na Musoni na Alan Anthony ariko n’ubundi ikomeza kurushwa.

Umukino warangiye, Police HC yatsinze APR HC ibitego 36-30 ibona intsinzi ya kabiri mu Mikino ya Kamarampaka.

Iyi kipe ubu isabwa intsinzi imwe gusa ngo yegukane Igikombe cya Shampiyona cya 2025.

Mu Cyiciro cya Kabiri, GSFAK Kibogora yegukanye Igikombe cya Shampiyona nyuma yo gutsinda bigoranye GS Tabagwe ibitego 25-24.

Mu bagore, Kiziguro Secondary School yegukanye Igikombe cya Shampiyona itsinze ku mukino wa nyuma ES Nyamagabe ibitego 40-35

Rwamanywa agerageza gutera umupira akazibirwa n'abakinnyi ba APR HC

Umukinnyi wa Police HC atera penaliti

Mbesutunguwe Samuel yatsinze ibitego 14 muri uyu mukino

Ndayisaba atera penaliti

Abakinnyi ba Police HC bazamukana umupira

APR HC yatsinzwe umukino wa kabiri wikurikiranya

Umutoza wa APR HC, Bagirishya Anaclet yibaza aho bipfira

Abakinnyi ba Police HC bishimira intsinzi

Umutoza wa Police HC, Ntabanganyimana Antoine yishimira intsinzi

Kiziguro SS yegukanye Igikombe cya Shampiyona mu Bagore

GSFAK Kibogora yegukanye Igikombe cya Shampiyona mu Cyiciro cya Kabiri