00:00:00 IGIHE NETWORK KN KINYARWANDA EN ENGLISH FR FRANCAIS

Handball: Misiri na Algérie zageze ku mukino wa nyuma mu batarengeje imyaka 20

Yanditswe na Iradukunda Olivier
Kuya 27 August 2022 saa 11:49
Yasuwe :

Imikino ya U-20 African Men’s Handball Championship Rwanda 2022 igeze ahakomeye, aho kuri uyu wa Gatanu ikipe ya Misiri ndetse n’ikipe ya Algérie zageze mu ku mukino wa nyuma zihigitse abo bari bahanganye.

Nyuma y’uko amakipe ane akomeje mu mikino ya ½, hakurikiyeho guhatanira kugera ku mukino wa nyuma.

Ikipe ya Algérie yigaranzuye Tunisie yari yitwaye neza mu gice cya mbere cyarangiye ari amanota 16 kuri 13, mu gice cya kabiri byahinduye isura umukino urangira Algérie itsinze Tunisie amanota 29 kuri 25.

Umukino wakurikiyeho wahuje ikipe ya Misiri na Angola. Uyu mukino waranzwe no kuyobora umukino ku ruhande rwa Misiri yari ishyigikiwe cyane n’abakinnyi ba Algérie, birangira n’ubundi umukino iwutsinze ku manota 33 kuri 24 ya Angola.

Uyu munsi kandi wasize ikipe y’u Rwanda isoje amarushanwa iri ku mwanya wa nyuma, mu mukino ukomeye rwahuriyemo na Congo rugatsindwa amanota 35 kuri 34.

Amakipe yombi yatsinze umukino azakina umukino wa nyuma, n’aho amakipe yatsinzwe ahatanire umwanya wa Gatatu. Imikino yombi iteganyijwe kuri uyu wa 27 Kanama 2022.

Misiri yageze ku mukino wa nyuma itsinze Angola
Algerie yageze ku mukino wa nyuma muri Handball y'abatarengeje imyaka 20
U Rwanda rwarahatanye ariko ntirwagira amahirwe yo kubona intsinzi
Byari ibyishimo ku bakinnyi ba Algerie
Misiri yari ifite abafana yageze ku mukino wa nyuma
Abafana bari bishimye cyane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .