Ku wa Gatanu tariki ya 13 no ku wa Gatandatu tariki ya 14 Kamena 2025, ni bwo kuri Kigali Golf Resort & Villas hakinirwaga irushanwa rya ‘Muema Challenge’.

Iri rushanwa ryongeye kuba ryatewe inkunga na I&M Bank (Rwanda) Plc, ryitabirwa n’abakinnyi barenga 200 biganjemo abo mu Rwanda, Kenya, Ethiopia, Uganda n’u Burundi.

Muema Muindi washinze iri rushanwa yashimiye abagize uruhare kugira ngo rigende neza, ndetse ashimangira ko rizakomeza gukinwa nta kabuza.

Ati “Ndabashimiye cyane mwese abitabiriye iri rushanwa rya Muema Challenge ryabereye i Kigali. Ni iby’agaciro cyane kuko imigendekere yaryo yatumye tubona ko riri gukura, bityo ntabwo duteze guhagarika kuritegura.”

Umuyobozi w’Imenyekanishabikorwa n’Itumanaho muri I&M Bank Rwanda Plc, Fiona Kamikazi, yavuze ko iyi banki izakomeza gushyigikira imikino nka Golf kuko igira uruhare mu iterambere ry’abaturage.

Ati “Ni ku nshuro ya kabiri duteye inkunga iri rushanwa riri ku rwego mpuzamahanga. Bivuze kinini kuri banki yacu kuko usibye kwegereza abakiriya serivisi zacu, ahubwo tugira uruhare mu gutuma banabaho neza. Gushyigikira siporo ni igikorwa tutazahagarika kuko ni kimwe mu bigize iterambere ry’igihugu.”

I&M Bank (Rwanda) Plc yari ifite umukinnyi muri iri rushanwa, yafashe uyu mwanya kandi igaragariza abakinnyi n’abakunzi ba Golf, ibyiza bya gahunda zitandukanye zigendanye na serivisi zayo.

Umukinnyi wa Golf wari uhagarariye iyi banki ni Diane Mukunde, usanzwe ushinzwe amasoko.

Imwe muri serivisi zagaragajwe ni iyiswe ’Karame’ ishobora gutanga igisubizo ku mukiriya wa I&M Bank mu gihe cy’amasaha 24. Mu byo yahabwa hakaba harimo inguzanyo yo kubona inzu, imodoka cyangwa inguzanyo igera kuri miliyoni 50 Frw itangwa nta ngwate.

Keith Bunyenyezi ni we wegukanye iri rushanwa, ahembwa ibihumbi 551 Frw. Mu bandi bahembwe harimo Hitayezu Jean d’Amour wahawe ibihumbi 440 Frw nka ‘Gross Winner’.

Umukinnyi mwiza ku rwego rw’akarere yabaye Joseph Adrapi, umukinnyi mwiza mu bakuze aba Andrew Kanyonya, bombi bahawe ibihumbi 413 Frw.

Irushanwa rya Muema Challenge rizongera gukinwa tariki ya 25 na 26 Nzeri 2025, rikinirwe ku kibuga cyitwa Vipingo Ridge Golf Resort giherereye i Nairobi muri Kenya.

U Rwanda ruri kurushaho kwakira amarushanwa mpuzamahanga muri Golf

I&M Bank (Rwanda) Plc. yasobanuriye abakinnyi ba Golf gahunda ya 'Karame'

Abakinnyi bagize itsinda ryarimo umukinnyi wa I&M Bank Rwanda

Ku nshuro ya kabiri I&M Bank yari ifite umukinnyi mu irushanwa

Nyuma y'u Rwanda irushanwa rya Muema Challenge rizabera muri Kenya

I&M Bank (Rwanda) Plc. ishyigikira siporo kuko ituma ab aturage bagira ubuzima bwiza

Abakinnyi bakina imyobo 18 igize ikibuga cya Kigali Golf Resorts & Villas

Ikibuga cya Kigali Golf Resorts & Villas kiba kirimo ibinyabuzima bituma abakina baryoherwa n'umukino

U Rwanda rwakiriye Muema Challenge, irushanwa ribera mu bihugu byo mu Karere ka Afurika y'Iburasirazuba

Irushanwa rya Muema Challenge rirushaho gutera intambwe rigera ku rwego mpuzamahanga

I&M Bank (Rwanda) Plc. igaragaza ko izakomeza gushyigikira amarushanwa ya Golf

Buri tsinda ryabaga rigizwe n'abakinnyi bane

Abakinnyi bari bitwaje ibikoresho byose bari mu kibuga

Ikibuga cya Kigali Golf Resorts & Villas cyaratunganyijwe mbere y'uko abakinnyi bakina

I&M Bank (Rwanda) Plc. yaboneyeho kumenyekanisha ibikorwa byayo binyuze mu irushanwa rya Muema Challenge

Abakinnyi mpuzamahanga bitabiriye irushanwa rya Muema Challenge

Irushanwa rya Muema Challenge ryitabiriwe n'abakinnyi barimo n'abagore

Abakinnyi bose batangiye gukina ku masaha amwe

Irushanwa rya Muema Challenge ryabereye mu Rwanda ku nshuro ya kabiri

Nyuma yo gukina abakinnyi bagize umwanya wo gusabana

Habaho umwanya wo gusangira ibitkerezo ku bakinnyi ba Golf

Kamikazi Fiona yitabiriye umugoroba wo gutanga ibihembo

Muema Muindi ni we washinze irushanwa rya Muema Challenge

Muema Muindi aganira n'abandi bakinnyi ba Golf bitabiriye Muema Challenge

Kamikazi Fiona wa I&M Bank asuhuzanya na Muema Muindi washinze Muema Challenge

Umuyobozi wa serivisi z’Imenyekanishabikorwa n’Itumanaho muri I&M Bank Rwanda Plc, Fiona Kamikazi, aganira na bamwe mu bakina Golf

I&M Bank Rwanda ishyigikira imikino itandukanye

Abakozi ba I&M Bank Rwanda n'abayobozi ba Muema Challenge bishimira imigendekere myiza y'irushanwa

Jenny Linda Kalisa yayoboye umuhango wo gutanga ibihembo

Abakinnyi bitwaye neza barahembwe

Bamwe mu bakinnyi bahize abandi muri Muema Challenge

Amafoto: Rusa Prince