Kuri uyu wa Kane, tariki ya 8 Gicurasi 2025, ni bwo yageze kuri aka gahigo kazandikwa muri ’Guinness World Records’, abikoreye ku kibuga mpuzamahanga cya Kigali Golf Resorts & Villas giherereye i Nyarutarama.

Mbere y’uko atangira gukina hari hateganyijwe abagomba kumubarira iminota ndetse n’amanota. Aba bagendaga mu tumodoka twabugenewe, ariko nk’uko amategeko abigena we yakoreshaga amaguru.

Igikapu ndetse n’imipira yo kwitabaza igihe indi iguye mu mazi yabyitwaje, ariko kugira ngo ataremererwa cyane ahitamo igikapu cyoroshye kandi kirimo inkoni enye gusa, aho kugendana 14 zigenewe umukinnyi wa Golf.

Yatangiye urugendo rugana ku mateka, agerageza kwiruka uko imbaraga ze zose zingana. Ku mwobo wa 10 ni ho yagize ikibazo yitura hasi, ariko arabyuka arakomeza.

Yifuzaga gukoresha iminota 55, ariko nyuma y’iminota 52 yari amaze gukora amateka atarakorwa n’undi muntu wese ku Isi.

Akimara gukora amateka yashimiye buri wese wamubaye, ndetse agaragaza ko yari agamije guhsha ishema u Rwanda.

Ati “Ndashimira buri wese wagize umuhate mu kumfasha. Uyu munsi ndabikoze kandi wenda ejo nshobora gutekereza gukuraho aka agahigo nashyizeho. Ibi nabikoreye igihugu cyanjye ndetse n’abagore bo mu Rwanda mu kwerekana ko natwe dushoboye.”

Umukino wa Golf ni umwe mu yatekrejweho mu rugendo rwo kugira u Rwanda igicumbi cya siporo. Aho igihugu cyahise gitangira umushinga wo kubaka ikibuga mpuzamahanga cyatangiye kwandikirwaho amateka.

Mu busanzwe ikibuga cya Golf gifite imyobo 18, uwagikinnye yihuse akoresha amasaha abiri mu gihe ukoresha igihe kinini akimaramo amasaha ane.

Ishimwe yaciye agahigo gatuma yandikwa mu gitabo cya 'Guinness World Records'

Abakunzi ba Golf bari bakereye kumushyigikira

Ishimwe yazengurutse imyobo 18 mu minota 52

Umukino wa Ishimwe waciye agahigo wakurikiwe n'abakunzi ba Golf

Abasanzwe bagenera abakinnyi ibyo kurya cyangwa kunywa mu kibuga ntabwo bari babyemerewe

Ishimwe Akanigi Melissa yakoresheje imbaraga zidasanzwe

Ishimwe yitwazaga ibikoresho byose

Yarangije gukina imyobo 18 ananiwe bidasanzwe

Umunaniro ntiwatumye atishimira intsinzi ye

Ishimwe yashyizeho agahigo kadafitwe n'undi wese ku Isi

Yageragezaga gukina adashyize igikapu hasi ngo adatinzwa no kongera kugiheka

Ishimwe yashimiwe na bamwe mu bamufashije

Umubyeyi wa Ishimwe Melissa yamushimiye bidasanzwe

Ishimwe Melissa na Musaza we banejejwe n'intsinzi ye

Kapiteni wa Kigali Golf Club, Andrew Kulayige, ashimira Akanigi Melissa

Mubiligi Ngoga Jules ni umwe mu bakinnyi ba Golf bakurikiye iki gikorwa

Golf ni umukino ukomeza kurushaho gutera imbere mu Rwanda

Abashinzwe kubara amanota bemeje ko yakoresheje iminota 52 nyuma yo kuzenguruka imyobo yose uko ari 18

Inshuti za Ishimwe Melisa zamugeneye ururabo nk'ishimwe ryo kubahesha ishema

Ishimwe Melissa yari afit ibyishimo bidasanzwe nyuma yo kumva ko yakoresheje iminota 52

Ishimwe Melissa yanyuzwe n'uko akoze ibidasanzwe mu mukino wa Golf

Ababyeyi ba Ishimwe bishimiye intambwe yatewe n'umwana wabo

Akanigi Ishimwe Melissa yishimanye n'umubyeyi we nyuma yo kwandika amateka

Amafoto: Umwari Sandrine