00:00:00 IGIHE NETWORK KN KINYARWANDA EN ENGLISH FR FRANCAIS

French Open: Rafael Nadal azahura na Casper Nuud ku mukino wa nyuma

Yanditswe na Mihigo Saddam
Kuya 4 June 2022 saa 02:17
Yasuwe :

Kuri iki Cyumweru tariki ya 5 Kamena 2022 guhera saa cyenda z’igicamunsi nibwo hazakinwa umukino wa nyuma wa French Open umukino, irushanwa mpuzamahanga rya Tennis. Rafael Nadal azahura na Casper Nuud.

Umunya-Norvege, Casper Nuud yageze ku mukino wa nyuma atsinze Umunya-Croatia, Marin Čilić amaseti 3-1 mu mukino wa ½ cy’irangiza.

Casper yatsinzwe seti ya mbere amanota 6-3 mbere yo gutsinda seti eshatu zakurikiye; 6-4, 6-2 na 6-2.

Casper Nuud yahise asanga Rafael Nadal ku mukino wa nyuma. Nadal yatsinze Umudage, Alexander Zverev wavunikiye mu mukino.

Ku ruhande rwa Nadal, Seti ya mbere yarangiye hitabajwe iminota y’inyongera nyuma y’uko bari bayisoje banganya amanota 6-6, inyongera yasize Nadal ari imbere n’amanota 10-8.

Seti ya kabiri bageze ku manota 6-6 nibwo Zverev yagize imvune ikomeye mu kagombambari ahita asohoka mu kibuga atwaye mu kagare.

Kuri iki Cyumweru, Nadal azaba akina umukino wa nyuma wa 30 w’amarushanwa ari ku rwego rwa Grand Slam, umukino wa nyuma wa 14 muri French Open.

Rafael Nadal yageze muri ½ cy’irangiza atsinze Novak Djokovic muri ¼ cy’irangiza amaseti 3-1.Djokovic ni nimero ya mbere ku Isi.

Umukino wa nyuma wa French Open uzaba uhuza Rafael Nadal nimero ya gatanu ku Isi na Casper Nuud nimero ya munani ku rwego rw’Isi.

Umukinnyi uzatwara French Open ya 2022 azahembwa arenga miliyoni abyiri z’amadolari ya Amerika (2,355,343 USD).

Casper Nuud nimero ya munani ku Isi azahura na Rafael Nadal nimero ya gatanu
Umunya-Croatia, Marin Čilić nta mahirwe yahabwaga muri 1/2 byarangiye asezerewe
Casper Nuud asanzwe ari umukinnyi utanga icyizere cyo kuzaza mu myanya itatu ya mbere ku Isi
Kuwa Gatanu, Rafael Nadal yageze ku mukino wa French Open ku munsi we w'amavuko yujujeho imyaka 36
Casper Nuud na Rafael Nadal barihurira kuri iki Cyumweru guhera saa cyenda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .