00:00:00 IGIHE NETWORK KN KINYARWANDA EN ENGLISH FR FRANCAIS

Cricket: Ikipe y’u Rwanda mu Bagore yisanze mu itsinda ririmo Nigeria

Yanditswe na Byiringiro Osée Elvis
Kuya 28 August 2022 saa 05:00
Yasuwe :

Ikipe y’Igihugu y’Abatarengeje imyaka 19 mu bakobwa, igiye kwerekeza muri Botswana mu mikino yo gushaka itike y’Igikombe cy’Isi izaba tariki 1-13 Nzeri 2022.

Ikiye y’Igihugu y’u Rwanda izatangira imikino tariki 3 Nzeri 2022 ikina na Nigeria, ikurikizeho Malawi tariki 6 Nzeri, umukino wa gatatu izawukina na Mozambique mu gihe umukino wa nyuma mu matsinda izawukina na Tanzania tariki 9 Nzeri 2022.

Itsinda rya kabiri rigizwe na Botswana, Sierra Leone, Namibia na Uganda.

Mu mikino ya matsinda buri kipe izahura n’indi, amakipe abiri ya mbere muri buri tsinda azajya muri kimwe cya kabiri, kizatangira tariki 10 Nzeri 2022.

Iyi kipe ikomeje imyitozo iri kubera stade ya Gahanga, biteganyijwe ko izahaguruka mu Rwanda tariki 31 Kanama 2022 yerekeza muri Botswana.

Kugeza ubu amakipe 11 muri 16 niyo amaze kubona itike yo gukina imikino ya nyuma y’Igikombe cy’Isi cyizabera muri Afurika y’epfo muri Mutarama 2023.

Uyu mukino mu Rwanda ukomeje gutezwa mbere dore ko umaze kugera mu mashuri abanza n’ayisumbuye 108 mu gihugu, ndetse no mu turere 18 muri 30 tugize igihugu

Ikipe y'u Rwanda izatangira ihura na Nigeria

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .