00:00:00 IGIHE NETWORK KN KINYARWANDA EN ENGLISH FR FRANCAIS

Cricket: Abangavu b’u Rwanda batsinze Zimbabwe bazamuka mu itsinda mu Gikombe cy’Isi

Yanditswe na Byiringiro Osée Elvis
Kuya 17 Mutarama 2023 saa 05:36
Yasuwe :

Ikipe y’Igihugu y’Abakobwa batarengeje imyaka 19 muri Cricket, yatsinze iya Zimbabwe ku kinyuranyo cy’amanota 39 mu mukino wa kabiri w’Igikombe cy’Isi kiri kubera muri Afurika y’Epfo.

Muri uyu mukino, u Rwanda rwatomboye gutangira rukubita agapira, ibizwi nka ’batting’, mu gihe Zimbabwe yo yatangiye ijugunya agapira, bizwi nka ’bowling’.

Mu dupira 120 twakinwe mu gice cya mbere, u Rwanda rwashyizeho amanota 119, mu gihe Zimbabwe yari yasohoye abakinnyi umunani (8 Wickets) b’u Rwanda.

Zimbabwe yinjiye mu gice cya kabiri isabwa gushyiraho amanota arenze ay’u Rwanda, ariko ntibyabakundira. Ubwo iki gihugu cyari kimaze gukora amanota 80 mu dupira 104, abakinnyi bacyo 10 bari bamaze gukurwamo n’ab’u Rwanda bituma umukino uhita urangira.

Kapiteni w’u Rwanda, Ishimwe Gisèle yatowe nk’umukinnyi w’umukino nyuma yo gukora amanota 34 mu dupira 24 yakinnye.

Gutsinda uyu mukino byahesheje aba bangavu itike y’icyiciro gikurikira kuko amakipe atatu ya mbere mu itsinda yakomeje, azakora amatsinda abiri mu cyiswe ‘Super Six’. Azongera ahure hagati yayo hazamuke abiri ya mbere, azakina imikino ya ½ n’umukino wa nyuma.

Iyi ntsinzi kandi yahesheje itike u Rwanda kutazakina imikino y’amajonjora y’Igikombe cy’Isi gitaha. Abangavu b’u Rwanda bazagaruka mu kibuga ku wa Kane tariki 19 Mutarama 2023 bakina n’u Bwongereza.

Merveille [6] na Usabyimana Sylvie bishimira gukuramo Kelly Ndiraya wa Zimbabwe
Ishimwe Zurafat atera agapira
Ishimwe Henriette yasazwe n'ibyishimo nyuma yo gukuramo Faith Ndhlalambi wa Zimbabwe
Kapiteni w'u Rwanda, Ishimwe Gisèle yatowe nk'umukinnyi w'imena
Nyuma y'umukino bacinye akadiho
Ikipe y'Igihugu y'u Rwanda yabonye itike y'icyiciro gikurikira
Abangavu b'u Rwanda batangiye umukino basenga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .