Conor McGregor yasezeye kurwana mu mikino njyarugamba

Yanditswe na Eric Tony Ukurikiyimfura
Kuya 7 Kamena 2020 saa 05:44
Yasuwe :
0 0

Indwanyi y’imikino njyarugamba inyuranye, Conor McGregor, yamaze gusezera muri uwo mukino nk’uko yabyemeje yifashishije imbuga nkoranyambaga ze kuri iki Cyumweru.

Umunya-Irlande McGregor w’imyaka 31, yamamaye mu iteramakofe ariko mu buryo bwa MMA. Yegukanye irushanwa rya UFC (Ultimate Fighting Championship) mu 2016.

Mu gitondo cyo kuri iki cyumweru, McGregor abinyujije kuri Twitter, yatangaje ko yamaze gusezera kuri uyu mukino ndetse atazongera kurwana.

Yagize ati “Muraho nshuti, nafashe icyemezo cyo gusezera kurwana. Mwarakoze ku bihe byiza twagiranye! Mbega urugendo! Iyi ni ifoto yanjye n’umubyeyi wanjye muri Las Vegas natwaye rimwe mu marushanwa y’Isi!”

Si ubwa mbere uyu mugabo wamamaye mu mikino njyarugamba ya MMA, asezeye akoresheje imbuga nkoranyambaga.

Muri Werurwe 2019, yatangaje ko yasezeye ariko mu ntangiriro z’uyu mwaka asubira mu rurwaniro ahanganye n’Umunyamerika Donald "Cowboy" Cerrone mu murwano wabereye i Las Vegas.

Yatsinze uwo murwano nyuma y’amezi 15 asezeye.

Mu 2016, nabwo yari yagize ati “Nafashe icyemezo cyo gusezera nkiri muto. Mwarakoze ku buryo mwanshyigikiye. Tuzongere dusubire.”

Conor McGregor afatwa nk’umwe mu ndwanyi nziza zabaye muri UFC, aho yasezeye ari ku mwanya wa munani ku rutonde rw’iryo rushanwa.

Mu 2019, ishyaka rye ryo kurwana ryateje amakimbirane ubwo yari amaze gutsindwa n’Umurusiya Khabib Nurmagomedov mu gace ka kane k’umurwano.

Izi ndwanyi zombi, zafatiwe ibihano: McGregor ahagarikwa amezi atandatu n’amande y’ibihumbi 50$ mu gihe Nurmagomedov yahagaritswe amezi icyenda bitewe n’uruhare yabigizemo.

Conor McGregor yari umwe mu ndwanyi zikomeye mu mikino njyarugamba inyuranye
Conor McGregor yasezeye kurwana afite imyaka 31 gusa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .