Belichick yanze kugororerwa na Trump umudali w’abaharaniye amahoro muri Amerika

00:00:00 IGIHE NETWORK

KINYARWANDA

ENGLISH

FRANCAIS IGIHE TV

Izigezweho

U Rwanda - Ibisigisigi by’ubuhezanguni no kwinangira ku ruhare rw’u Bufaransa muri Jenoside mu bakoranye na Mitterand
Ubukungu - Ikoreshwa nabi ry’umutungo wa Leta ryagabanyutseho agera kuri miliyari 3 Frw umwaka ushize
U Rwanda - Minisitiri Prof Nshuti yahagarariye Perezida Kagame mu irahira rya Museveni
U Rwanda - Lt Ndayizeye wari ukuriye ubutasi mu mutwe udasanzwe wa FDLR yafashwe
Politiki - Ni iki cyabashisha umubano w’u Rwanda na Uganda kongera gucayuka?
U Rwanda - Patrick de Saint-Exupéry yakuye igihu ku kinyoma cya Jenoside ebyiri cyahimbwe na Guverinoma ya Mitterand
U Rwanda - Ribara uwariraye! Amashirakinyoma ku butwari bwatwererewe Rusesabagina muri Hôtel des Mille Collines

Belichick yanze kugororerwa na Trump umudali w’abaharaniye amahoro muri Amerika

Yanditswe na Eric Tony Ukurikiyimfura

Kuya 12 Mutarama 2021 saa 10:28

Yasuwe :

Yavuzweho:

0 0

Umutoza w’Ikipe ya New England Patriots yo muri Shampiyona na National Football League (NFL), Bill Belichick, yavuze ko atazemera umudali w’abaharaniye amahoro muri Amerika yari guhabwa na Perezida wa Leta Zunze Ubumwe za Amerika, Donald Trump, ku wa Kane.

Uyu mudali ni ryo shimwe rikomeye rihabwa umusivili muri Leta Zunze Ubumwe za Amerika, ukaba utangwa na Perezida w’igihugu.

Belichick utoza New England Patriots, yavuze ko byari ibyishimo bikomeye kuri we ubwo yabwirwaga ko azahabwa uyu mudali.

Gusa yavuze ko yahinduye ibitekerezo bye nyuma y’uko abashyigikiye Trump bateye Inteko Ishinga Amategeko ya Amerika mu cyumweru gishize, bikarangira abantu batanu bahasize ubuzima.

Uyu mutoza w’umunyabigwi yagize ati “Nyuma y’ibyabaye, amahano yabaye mu cyumweru gishize, nafashe icyemezo cyo kutazafata igihembo.”

Bill Belichick umaze kwegukana ibikombe bya Super Bowl bitandatu kuva mu 2000, afatwa nk’umutoza ufite ibigwi bitagereranywa mu mateka na NFL.

Kuva abaye Perezida wa Amerika mu 2017, Donald Trump amaze gutanga ishimwe ku bakinnyi nka Babe Ruth, Roger Staubach, Alan Page na Tiger Woods warihawe mu 2019.