Ku Cyumweru, tariki ya 23 Gashyantare 2025, ni bwo hakinwe imikino y’Icyiciro cya Kane cya Shampiyona ya Amputee Football mu Rwanda (Phase IV), ibera mu Karere ka Rubavu.

Mu bagabo hari guhatana amakipe 10 ari yo Karongi, Nyarugenge, Musanze, Kicukiro, Huye, Rubavu, Gatsibo, Nyamasheke, Nyabihu na Muhanga. Mu bagore ni atatu ya Nyanza, Musanze na Nyarugenge.

Mu bagabo, Karongi imaze gukina imikino 15 kandi yose yarayitsinze, ikaba ifite amanota 45. Ikurikiwe na Nyarugenge imaze gutsindwa umwe ikagira amanota 42, mu gihe Musanze iri ku mwanya wa gatatu irushwa amanota 19 n’ikipe ya mbere.

Mu bagore Nyanza yatsinze umukino umwe ikanganya ine ifite amanota arindwi, igakurikirwa na Musanze ifite atandatu kuko imikino itandatu yakinnye yose yayinganyije. Nyarugenge ya nyuma ifite amanota ane.

Iyi ni imikino yabanzirizaga Icyiciro cya Gatanu ari na cyo cya nyuma mu mwaka w’imikino wa 2024/25 (Phase V), giteganyijwe gukinwa mu mpera za Mata 2025, ari na bwo hazamenyekana amakipe azatwara ibikombe.

Amakipe akomeje guhatana muri Shampiyona ya Amputee Football

Amakipe atatu yonyine ni yo yitabiriye Shampiyona ya Amputee Football mu Bagore

Imikino y'Icyiciro cya Kane yabereye mu Karere ka Nyanza

Impera z'icyumweru zasize Nyanza iyoboye Shampiyona ya Amputee Football mu Bagore

Nyarugenge na Huye ni amwe mu makipe yakinnye mu mpera z'icyumweru