Kuva ku wa Gatanu, tariki ya 25 kugeza ku wa Gatandatu, tariki ya 26 Ukwakira 2024, ni bwo abakinnyi barenga 200 bahataniye imyanya ine yo kuzajya guhatana n’abaturutse mu bindi bihugu byo mu Karere mu irushanwa rya KCB East Africa Golf Tour.

Amakipe agera kuri 32 agizwe n’abakinnyi bane ndetse n’andi atatu yari agizwe n’abakinnyi batatu, ni yo yahatanye muri iyi minsi ibiri ndetse amanota yose akaba yateranyijwe ku munsi wa nyuma.

Irushanwa rya BPR-KCB East Africa Golf Tour ryakinwe mu byiciro bitandatu harimo iby’abagore, abagabo ndetse n’abakuze. Ikindi cyiciro ni icy’abategura irushanwa.

Abakinnyi babonye itike yo kuzajya mu mikino ya nyuma ya KCB East Africa Golf Tour ni Olwit Anthony, Murekatete Alphonsine, Nganga Barnabas, Benjamin Mukisa wari wanayibonye mu mwaka ushize.

Abandi bakinnyi bitwaye neza mu irushanwa rya BPR Bank ni Ntambara Olivier, Alice Rwigema, Gahima Charles, Sidney Mbua, Kwizera Ivan, Barigye Arthur na Kora Adebayo.

Umukinnyi wateye umupira muremure kurenza abandi mu bagabo ni Gichohi William na Akanigi Melissa mu bagore wanakinnye neza mu kuwegereza umwobo, mu gihe uwabikoze mu bagabo ari Mugabo Vincent.

Kapiteni wa Kigali Golf Club, Andrew Kulayige, yashimye BPR Rwanda nk’imwe mu mpamvu zatumye umukino wa Golf utera imbere ku ntambwe ishimishije.

Yagize ati “Urebye mu abakinnyi ba Golf twari bake cyane, dusaba igikorwaremezo nk’iki mubona, ariko byari ngombwa ko twongera abakina uyu mukino.”

“Ibyo ntibyari gushoboka tutagize abafatanyabikorwa nka BPR Bank. Ubu tugeze ku bakinnyi barenga 600 kandi ndezera ko baziyongera nidukomeza gukorana.”

Umuyobozi Mukuru wa BPR Bank Rwanda Plc, Patience Mutesi, yavuze ko iterambere ry’abakinnyi ba Golf rizatuma bakomeza kugira uruhare mu iterambere ryayo.

Ati “Ndabashimiye abaje kwitabira iri rushanwa ryarimo abarenga 200. Tunejejwe no kumara iyi myaka dushyigikira umukino wa Golf. Kuba abakinnyi biyongera biragaragaza ko ishoramari ryacu ari igirakamaro.”

“Ntabwo duteze gusubira inyuma kuko iyo uvuze Golf wumva abantu bareba kure, bafite intego zifatika kandi baharanira inyungu z’igihe kirekire. Aho ni ho natwe twifuza ko twagirana imikoranire igomba guhoraho.”

Biteganyijwe ko abatsinze i Kigali bazerekeza muri Kenya mu mikino ya nyuma izabera muri Sigona Golf Club, tariki ya 6 Ukuboza 2024, harimo amakipe yavuye mu bice bitandukanye bya Nairobi.

Ikipe izaba iya mbere izahembwa miliyoni y’amashilingi ya Kenya ni ukuvuga 10.481.604 Frw.

Ngoga Jules ari mu bakinnyi bahatanye ku munsi wa mbere

Albert Akimanzi ni umwe mu bakinnyi ba Golf bamenyereye umukino

Albert Akimanzi ni umwe mu bari bahatanye mu irushanwa ryateguwe na BPR Bank

Umukinnyi ugiye gutera mu mwobo abanza kwitonda

Ngoga Jules yitegereza umwobo agiye guteramo

Ni ku nshuro ya kabiri BPR Bank iteguye irushanwa nk'iri

BPR Bank yifuza kugeza umukino wa Golf kure hashoboka

Buri kipe yabaga igizwe n'abakinnyi bane

Abakinnyi bahabwaga impano na BPR Bank

Abakinnyi batangiraga gukina mu gitondo cya kare

Abakinnyi benshi bifuje gukina irushanwa ryateguwe na BPR Bank Rwanda

BPR Bank Rwanda yiyemeje gushyigikira ibikorwa biteza imbere umuturage

Gutera umupira wa mbere bisaba imbaraga nyinshi

Mu bahatana harimo n'abagore

Buri mukinnyi yahabwaga impano na BPR Bank

BPR Bank ibereyeho abaturage

BPR Bank yateguye irushanwa riyifasha kwegerana n'abakiriya bayo bari muri Golf

Alice Rwigema ni umwe mu bakinnyi beza ba Golf mu bagore

KCB East Africa Golf Tour ibera mu bihugu byose byo mu Karere

BPR Bank irushaho kumenyekanisha ibikorwa byayo binyuze muri Golf

Umwe mu bakinnyi ba Golf yitegereza ikibuga agiye gukiniramo

Umuyobozi wa Kigali Golf Club, Marcel Byusa na bagenzi be bari bagiye guhatana

Abakinnyi baba bitwaje ibikoresho byose bisabwa ngo bitware neza

Irushanwa ryakinwe mu gihe cy'iminsi ibiri

Irushanwa rya BPR Bank ryagize uruhare mu kongera umubare w'abakina Golf

BPR Bank yifuza ko irushanwa itegura rigira uruhare mu kuzamura ubuzima bw'abaturage bose

Umuyobozi Mukuru wa BPR Bank Rwanda Plc, Patience Mutesi, yatanze icyizere ko banki izakomeza gushyigikira Golf

Umuyobozi Mukuru wa BPR Bank Rwanda Plc, Patience Mutesi, yashimye abakinnyi bitabiriye irushanwa

Olwit Anthony, Murekatete Alphonsine, Nganga Barnabas na Benjamin Mukisa babonye itike yo kuzakina KCB East Africa Golf Tour muri Kenya

Abakozi ba BPR Bank bagize uruhare rufatika mu kugira ngo irushanwa rizagende neza

Abakinnyi bose bitwaye neza mu irushanwa rya Golf ritegurwa na BPR Bank bahawe ibihembo

Amafoto: Cyubahiro Key