Mu ijoro ryo kuri uyu wa Kane, tariki ya 19 Nzeri 2024, ni bwo aba bakinnyi ndetse n’Umuyobozi wa JKA Rwanda akaba n’umutoza wabo, Rurangayire Guy, bahagurutse i Kigali berekeza i Windhoek.

Muri aya marushanwa ateganyijwe tariki ya 19-21 Nzeri, Twagirumukiza w’imyaka 17 uri ku rwego rwa Sho Dan, azahatana ku giti cye muri Kata ndetse na Kumite, mu gihe mugenzi we Gisa w’imyaka 11 na we azahatana muri ibyo byiciro.

Gisa ugiye gukina amarushanwa mpuzamahanga ku nshuro ya kabiri, yavuze ko yiteguye kwitwara neza. Yagize ati "Bwa mbere nari nagiye muri Écosse, sinabasha kuzana umudali ariko ubu nkaba nizeye ko nzawukura muri Namibia."

Aba bakinnyi bari bamaze amezi abiri bategurwa, bagiye ku bufatanye bwa Japan Karate Association-Rwanda (JKA-Rwanda) ifatanyije n’Ishyirahamwe ritegura iyi mikino ku Isi (World Union of Karate-Do Federatio-WUKF).

Abakinnyi barenga 1000 ni bo bategerejwe muri iri rushanwa rizakinwa kugeza tariki ya 21 Nzeri 2024.

Gisa Tony uri mu bana babiri bitabiriye irushanwa rya "Southern Africa WUKF Open Championship" riri kubera muri Namibia kugeza tariki ya 21 Nzeri 2024, yavuze ko afite intego yo gutahana umudali.

Undi witabiriye iri rushanwa ni Twagirumukiza Salvien.

Bombi bajyanye n'Umuyobozi… pic.twitter.com/TWVTYFYEci

— IGIHE Sports (@IGIHESports) September 20, 2024

Gisa Tony yitabiriye Shampiyona Nyafurika mu bakiri bato igiye kubera muri Namibia

Twagirumukiza Salvien ni umwe mu bazahatana muri Namibia

Abakinnyi babiri ni bo bazahagararira u Rwanda muri Shampiyona Nyafurika izakinirwa muri Namibia