00:00:00 IGIHE NETWORK KN KINYARWANDA EN ENGLISH FR FRANCAIS

Yashyize ikiganza cye mu ikariso yanjye: Umugore ushinja Dani Alves kumuhohotera

Yanditswe na IGIHE
Kuya 7 Mutarama 2023 saa 01:41
Yasuwe :

Polisi y’i Catalona yatangiye iperereza ku kirego cyo guhohotera umugore kireba Umunya-Brésil Dani Alves wamamaye cyane akinira FC Barcelone, Juventus na Paris Saint-Germain.

Ikinyamakuru ABC cyo muri Espagne cyatangaje ko uwo mugore ashinja Dani Alves ko yamuhohoteye ubwo bari mu kabyiniro ka Sutton i Barcelone ku wa Gatanu, tariki ya 30 Ukuboza 2022.

Umwe mu baganiriye na Radio Levantate OK yatangaje ko “Dani Alves yabyiniraga hafi y’umugore” mbere y’uko uyu wa nyuma ajya mu bwiherero, uyu Munya-Brésil akamukurikirayo.

Yakomeje agira ati “Nyuma y’amasegonda make, basohotse bari kumwe.”

Dani Alves ngo yashyize ikiganza cye mu mwambaro w’imbere w’uyu mugore w’imyaka 39 nk’uko uyu uvuga ko yahohotewe yabyitangarije.

Yabwiye ABC ati “Yashyize ikiganza cye mu ikariso yanjye.”

Ubwo Dani Alves n’inshuti ze bari bamaze kugenda, uyu mugore yatangiye kurira anabwira inshuti ze ibyabaye, na zo zimugira inama yo kwitabaza abashinzwe umutekano.

Aba bapolisi bashinzwe umutekano i Catalonia bazwi nka Mossos d’Esquadra, batangiye gukora iperereza bahereye ku buhamya bw’uyu mugore uri mu myaka 30. Dani Alves yari yamaze kugenda.

Ubwo ikinyamakuru ABC cyageragezaga kuvugisha Alves, abo hafi y’uyu mukinnyi bahakanye ibyo ashinjwa. Bavuze ko ubwo uyu mukinnyi yari mu biruhuko i Barcelone atatinze ndetse “ntacyabaye”.

Mu kiganiro uyu mukinnyi yahaye Televiziyo ya Y Ahora Sonsoles yo muri Espagne, na we yashimangiye ko uwo mugore atamuzi.

Ati “Nkunda kubyina ariko ntegeranye n’abandi bantu. Naratunguwe, sinzi uwo mugore icyo ari icyo. Simuzi.”

Yakomeje agira ati “Sinkunda kubangamira abandi, ni gute nabikorera umugore? Yampemukiye hamwe n’umuryango wanjye.”

Nubwo uyu mukinnyi avuga ibi, umunyamakuru ukomeye muri Espagne, Carlos Quilez, yavuze ko amashusho ya CCTV agaragaza ko Alves yinjiye mu kabyiniro ahagana saa Munani z’ijoro ari kumwe n’inshuti ye, bicara mu myanya y’icyubahiro.

Ahagana saa Cyenda ngo ni bwo Alves n’inshuti ye begerewe n’abakobwa batatu bikekwa ko barimo uwahohotewe, noneho saa Kumi n’iminota 22 umwe muri bo ajya mu bwiherero, akurikirwa n’uyu mukinnyi nyuma y’amasegonda make.

Aya mashusho ngo aragagaza ko uyu mukinnyi wa UNAM muri Mexique, yamaze amasegonda 47 ari kumwe n’uwahohotewe mu bwiherero, ariko basohoka bameze nk’aho ari ibisanzwe. Nyuma y’iminota 10, Alves n’inshuti ye bahisemo kugenda, basezera abakobwa babasomye kabiri ku itama.

Umugore wa Alves, Joan Sanz bashakanye mu 2017, yamaze gusiba konti ye ku rubuga rwa Instagram.

Dani Alves arashinjwa guhohotera umugore bahuriye mu kabyiniro i Barcelone
Umugore wa Dani Alves yamaze gufunga konti ye ya Instagram

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .