00:00:00 IGIHE NETWORK KN KINYARWANDA EN ENGLISH FR FRANCAIS

Wydad AC yatwaye CAF Champions League ihigitse Al Ahly (Amafoto)

Yanditswe na Mihigo Saddam
Kuya 31 May 2022 saa 10:00
Yasuwe :

Ikipe ya Wydad AC yo muri Maroc yatwaye igikombe cy’irushanwa rihuza amakipe yabaye aya mbere iwayo muri Afurika (CAF Champions League) itsinze Al Ahly yo mu Misiri ibitego 2-0 ku mukino wa nyuma.

Ibitego bya Wydad AC byatsinzwe na Zouhair El Moutaraji ku munota wa 15 na 48 anaba umukinnyi witwaye neza mu mukino.

Wydad yatwaye iri rushanwa ku nshuro ya gatatu, kuko yaherukaga kugitsindira mu 2017 na 1992.

Ikipe ya Al Ahly iheruka gutwara ibikombe bibiri biheruka, yashakaga igikombe cya 11 kuko ibitse 10.

Wari umukino ukomeye kuko wabanje guteza impaka utaranaba bitewe n’uko wabereye muri Maroc, igihugu Wydad AC ibarizwamo.

Muri Stade Mohammed V yari yuzuye abafana b’impande zombi, abakinnyi ba Al Ahly batinze kwinjira neza mu mukino banatsindwa igitego hakiri kare.

Igice cya kabiri cyari kitezwemo ko ikipe ya Al Ahly yakora impinduka nibwo Zouhair El Moutaraji yahise yungamo igitego cya kabiri ku munota wa 48.

Gusa, iminota yari isigaye, abakinnyi ba Al Ahly bagaragaje ubushake bwo kwishyura ibitego banahusha uburyo butandukanye.

Abakinnyi ba Wydad bari imbere y’abafana babo bagerageje gucungana n’ibihe birangira batwaye igikombe baherukaga mu myaka itanu ishize.

Myugariro wa Al Ahly, Rami Rabia niwe mukinnyi wahawe ikarita itukura ari ku ntebe y’abasimbura nyuma yo kutitwara neza uko bisabwa.

Ku ruhande rw’ikipe ya Wydad, umutoza Walid Regragui yashyizemo Badie Aouk, Juvhel Tsoumou, Hamza Asnir na Anas Serrhat basimbuye.

Abarimo rutahizamu Guy Mbenza,Reda Jaadi, Jalal Daoudi, Ayman El Hassouni na Zouhair El Moutaraji basimbuwe.

Umutoza mukuru wa Al Ahly, Pitso Mosimane yashyizemo; Mohammed Sherif, Walid Soliman, Amr El Solia, Salah Mohsen na Mohamed Magdy.

Abasimbuwe ni Aliou Dieng, Ahmed Abdel Kader, Hamdi Fathi, Mohamed Hany na Hussein El Shahat.

Nyuma yo gutwara igikombe, Wydad Athletic Club niyo kipe izahagararira Umugabane wa Afurika mu mikino ihuza amakipe yatwaye ibikombe ku migabane.

Wydad AC yatwaye Champions League ya gatatu
Wydad AC izahagararira Afurika mu gikombe cy'Isi cy'amakipe yabaye aya mbere ku migabane
Abakinnyi ba Wydad AC bagize amahirwe yo kwisanga mu mukino hakiri kare babibyaza umusaruro
Amakipe yombi azwi ku ibara ry'umutuku byatumye Stade Mohammed V isa n'aho yari yakiriye ikipe imwe
Wydad AC yari imbere y'abafana bayo byayifashije kwisasira Al Ahly
Umutoza w'ikipe ya Ahly, Pitso Mosimane n'umutoza wa Wydad AC, Walid Regragui
Umunyezamu wa Al Ahly, Mohammed El Shenawy yatsinzwe ibitego bibiri mu minota 48
Al Ahly yari yabanje kwanga kuzajya muri Maroc isangayo Wydad AC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .