Imikino ya ¼ cya CHAN iri kubera muri Algeria yatangiye gukinwa ku mugoroba wo ku wa Gatanu, tariki ya 27 Mutarama 2023.

Algeria yakiriye iri rushanwa rihuza amakipe y’ibihugu agizwe n’abakinnyi bakina imbere muri za shampiyona [TotalEnergies African Nations Championship] ni yo yabaye iya mbere yakatishije itike nyuma yo gutsinda Côte d’Ivoire igitego 1-0. Iya kabiri yakomeje ni Sénégal yatsinze Mauritania igitego 1-0.

Iyi mikino irakomeza uyu munsi aho Madagascar yakira Mozambique saa 18:00 mu gihe Niger icakirana na Ghana saa 21:00 z’ijoro.

Umukino wa kabiri urayoborwa n’Umunyarwanda Uwikunda Samuel. Arafatanya na Mutuyimana Dieudonné n’Umunya-Seychelles, Hensley Danny Petrousse nk’abasifuzi bo ku ruhande.

Abandi basifuzi bari kuri Stade Complexe Olympique d’Oran ni uwa kane ushinzwe kugenzura ibikorwa by’abandi bari gukorana, Umunyafurika y’Epfo Abongile Tom na Rodrigue Menye Mpele wo muri Cameroun.

Komiseri w’umukino ni Boussairi Boujlel wo muri Tunisie naho Umuhuzabikorwa w’Abasifuzi ni Mustapha Slaoui ukomoka muri Maroc.

Mu mikino ya mbere ya ¼, Aimen Mahious yafashije Algeria kugera muri ½ itsinze Côte d’Ivoire. Uyu mukino wabereye kuri Nelson Mandela Stadium i Algiers.

Algeria yatsinze Côte d’Ivoire igitego 1-0, iba ikipe ya mbere yakatishije itike yo kugera muri 1/2 cya CHAN 2022.

Igitego cyatsinzwe na Aimen Mahious kuri penaliti yabonetse mu minota ya nyuma y’umukino wabereye kuri Nelson Mandela Stadium i Algiers.#TotalEnergiesCHAN2022 pic.twitter.com/VhMpb8sLA7

— IGIHE Sports (@IGIHESports) January 27, 2023

Mu wundi mukino, Lamine Camara yafashije Sénégal gukatisha itike ya 1/2 cya #CHAN2022 itsinze Mauritania igitego 1-0 mu mukino wabereye kuri 19 May 1956 Stadium.

Lamine Camara yafashije Sénégal gukatisha itike ya 1/2 cya #CHAN2022 itsinze Mauritania igitego 1-0 mu mukino wabereye kuri 19 May 1956 Stadium.

Les Lions de la Teranga isanze Algeria yasezereye Côte d'Ivoire ku gitego 1-0, na cyo cyabonetse kuri penaliti. pic.twitter.com/eRClCj7Ces

— IGIHE Sports (@IGIHESports) January 27, 2023

Uwikunda Samuel yahawe kuyobora CHAN nyuma y’iminsi mike agiriwe icyizere cyo gusifura Imikino Nyafurika ihuza amakipe yabaye aya mbere iwayo, ‘CAF Champions League 2023’.

Umukino azabanza gusifuramo ni uzahuza Coton Sport na Mamelodi Sundowns, ziri mu itsinda rya Kabiri rizatangira gukina tariki ya 17 Gashyantare 2023. Kuri uyu mukino azafatanya n’Abanyarwanda Mutuyimana Dieudonné, Karangwa Justin na Ruzindana Nsoro.

Si ku nshuro ya mbere agiye gusifura muri iri rushanwa kuko yasifuye CAF Champions League na CAF Confederation Cup mu 2021, ndetse anasifura Igikombe cya Afurika cy’Abatarengeje imyaka 20 cyabereye muri Mauritanie.

Umunyarwanda Uwikunda Samuel yahawe gusifura umukino wa ¼ wa CHAN 2022 uzahuza Ghana na Niger saa Tatu z'ijoro ryo ku wa Gatandatu, tariki ya 28 Mutarama 2023.

Azafatanya na Mutuyimana Dieudonné n’Umunya-Seychelles, Hensley Danny Petrousse.#SiporoHejuruCyane pic.twitter.com/W3geWgwHbf

— IGIHE Sports (@IGIHESports) January 27, 2023

Uwikunda Samuel yahawe gusifura umukino wa ¼ wa CHAN 2022 uhuza Ghana na Niger