00:00:00 IGIHE NETWORK KN KINYARWANDA EN ENGLISH FR FRANCAIS

Umutoza w’Amavubi yasobanuye uko hazatoranywa kapiteni mushya

Yanditswe na Mihigo Saddam
Kuya 20 May 2022 saa 09:56
Yasuwe :

Umutoza Mukuru w’ikipe y’igihugu y’u Rwanda y’umupira w’amaguru, (Amavubi) Carlos Alos Ferrer, avuga ko mu minsi ya vuba Abanyarwanda bazamenya umukinnyi uzahabwa inshingano zo kuyobora bagenzi be mu kibuga.

Carlos Ferrer yaganiriye n’abanyamakuru bwa mbere kuva yahabwa izi nshingano, ababwira byinshi ku Mavubi birimo na gahunda yo gushyiraho kapiteni uzayobora bagenzi be.

Kapiteni w’Amavubi asanzwe ari Haruna Niyonzima wungirijwe na Jacques Tuyisenge. Aba bombi nta n’umwe wahamagawe.

Abandi bakinnyi bakunze gusimbura aba batahamagawe mu kwambara igitambaro cy’abakapiteni ni Bizimana Djihad, Nirisarike Salomon na Manzi Thierry.

Nirisarike Salomon, Bizimana Djihad na Manzi Thierry bose bahamagawe mu rugamba rwo gushaka itike ya CAN ya 2023.

Abajijwe kapiteni uzayobora bagenzi be muri uru rugendo, Carlos Ferrer yavuze ko azabanza akagirana inama n’abakinnyi bahamagawe bakareba ubikwiye.

Yagize ati “Ntabwo nakwicara ngo mpite nemeza kapiteni. Abakinnyi nahamagaye nzicarana nabo tuganire turebe uwabayobora kuko baba baziranye kundusha.”

Mu bakinnyi bafite amahirwe yo guhabwa izi nshingano harimo Bizimana Djihad na Nirisarike Salomon kuko basanzwe bari mu bungiriza ba Haruna Niyonzima.

Kuri uyu wa Gatanu nibwo Carlos Ferrer yahamagaye abakinnyi 28 bazatangira imyitozo kuwa 25 Gicurasi 2022 bitegura umukino uzahuza u Rwanda na Mozambique, uzakinwa kuwa Kane tariki 2 Kamena 2022, ukabere kuri FNB Stadium muri Afurika y’Epfo mu gace ka Nasrec, mu Mujyi wa Johannesburg.

Umutoza mukuru w'Amavubi, Carlos Ferrer Alos avuga ko gushyiraho kapiteni bisaba gukora inyigo inoze kuko ngo ni umwanya ukomeye
Haruna Niyonzima aracyari kapiteni w'Amavubi Stars mu gihe atarasezera mu ikipe y'igihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .