00:00:00 IGIHE NETWORK KN KINYARWANDA EN ENGLISH FR FRANCAIS

Umutoza Enzo Maresca wazamuye Leicester City yerekeje muri Chelsea

Yanditswe na Byiringiro Osée Elvis
Kuya 4 June 2024 saa 08:04
Yasuwe :

Umutaliyani Enzo Maresca yagizwe Umutoza wa Chelsea mu gihe cy’imyaka itanu ishobora kongerwaho umwe.

Uyu mugabo w’imyaka 44 uheruka gusubiza Leicester City muri Premier League yasimbuye Umunya-Argentine, Mauricio Pochettino watandukanye n’iyi kipe muri Gicurasi 2024.

Uyu mugabo yahize abandi bari ku rutonde nka Roberto de Zerbi watozaga Brighton & Hove Albion, Kieran McKenna wa Ipswich Town na Thomas Frank wa Brentford bari bahanganiye uyu mwanya.

The Blues yagize umwaka mubi gusa iza kuwusoza neza itsinda imikino itanu ya Shampiyona y’u Bwongereza bityo isoza ku mwanya wa gatandatu biyihesha kuzakina irushanwa rya UEFA Conference League.

Enzo Maresca yabaye umutoza wa gatandatu mu myaka itanu ishize, aho by’umwihariko ari uwa kane kuva Todd Boehly yagura Chelsea muri Gicurasi 2022.

Maresca yatangiye gutoza mu 2020 ubwo yari ashinzwe amakipe y’abato ya Manchester City. Mu 2021 yerekeje muri Parma yo mu Butaliyani yamazemo imyaka ibiri.

Mu 2023 yerekeje muri Leicester City ayifasha kwegukana Igikombe cya Shampiyona y’Icyiciro cya Kabiri mu Bwongereza.

Enzo Maresca yagizwe Umutoza wa Chelsea mu gihe cy'imyaka itanu
Enzo Maresca yabanye na Pep Guardiola muri Man City

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .