Ni igikorwa Umuri Foundation yatekereje nyuma y’uko yasanze muri uyu murenge hari abana benshi baretse ishuri bakagana ibirombe kubera ko aka gace kagizwe n’imisozi yiganjemo icukurwamo amabuye y’agaciro.

Ku wa 7 Kamena 2021 nibwo habayeho gushyira umukono ku masezerano y‘ubufatanye hagati ya Umuri Foundation n’Akarere ka Rulindo, agamije gufasha abana bo muri aka Karere kuzamura impano zabo mu mupira w’amaguru no kwitinyuka bakazibyaza umusaruro.

Iki gikorwa cyabereye ku kibuga cy’umupira w’amaguru cya Kangondo giherereye muri uyu murenge wa Masoro, cyatangiye abana bakina hagati yabo amakipe y’abahungu n’abakobwa bari bagizwe n’amakipe atandatu. Uretse abana bakinaga umupira w’amaguru, hari n’ababyeyi babo baje kubashyigikira.

Nyuma yo kubagenera izi impano Mulisa Jimmy ari na we washinze Umuri Foundation yababwiye ko mu buzima bwabo bagomba gushyira imbere intwaro eshatu ari nazo zizabafasha kugera ku rwego rw’abakinnyi bakomeye nk’umunya-Senegal Sadio Mane wafashije aho akomoka.

Yagize ati "Kuba mushyigikiwe n’ababyeyi banyu bimpa icyizere ko aha hashobora kuva impano zagera ku rwego rukomeye cyane. Urugero nabaha ni urwa Sadio Mane yavutse nkamwe azamuka akina umupira w’amaguru anawukunda, ubu yubakiye iwabo ibitaro n’amashuri. Ibyo byose kugira ngo ubigereho bisaba ikinyabupfura, kwiga no kwigirira icyizere. Ibyo byose mubishyize mu bikorwa na ahano havamo ba Sadio Mane.

Aganira n’itangazamakuru nyuma y’iki gikorwa, yatangaje ko Umuri Foundation n’Akarere ka Rulindo bafitanye imikoranire myiza ko ndetse bifuza guhindura aka gace kakaba ak’umupira w’amagru kubera ubushake yabonanye ababa bahatuye.

Jimmy Mulisa yavuze ko ikimuraje ishinga ari ugukomeza gutanga umusanzu wo kuzamura impano z’abakiri bato. Avuga kandi ko u Rwanda rufite abana bafite impano zo gukina umupira w’amaguru ariko badakurikiranwa uko bikwiye.

Mbere yo guhabwa impano y'Ubunani abana bagizwe n'amakipe atandatu babanje kugina hagati yabo

Ni amakipe avanze mu byiciro byombi abahungu n'abakobwa

Umutoza wungirije w'Amavubi, Mulisa Jimmy yabanje gutoza aba bana uko bakina umupira w'amaguru mbere yo kubagenera Ubunani

Ikibuga cya Kangondo kigizwe n'ubwatsi karemano guhera mu 1940

Ryumugabe Samuel ushinzwe umutekano muri Trinity Metals imwe muri kompanyi zicukura amabuye y'agaciro muri Rulindo aho aba bana bajya gushaka amafaranga yihuse, abasaba kwiga, gukunda umupira w'amaguru ndetse no kugira ikinyabupfura

Bamwe mu babyeyi bari baje kwihera ijisho iki gikorwa

Umutoza wungirije w'Amavubi, Mulisa Jimmy asaba abana gukunda gukina umupira w'amaguru bakazatera ikirenge mu cya Sadio Mané

Ryumugabe Samuel ushinzwe umutekano muri Trinity Metal asangira n'abana ubunani

Mulisa Jimmy umuyobozi wa Umuri Foundation asangira n'abana Ubunani

Mulisa Jimmy yabwiye aba bana ko umupira w'amaguru wabaha ibyo bifuza byose baramutse bawukinnye bawukunze

Kayinamura azi amateka y'umurenge wa Masoro kuko ari ho yavukiye

Ikibuga cya Kangongo cyabereyeho iki gikorwa giherereye mu murenge wa Masoro mu karere ka Rulindo

Yagiye aganiriza bamwe mu bana umwe ku wundi

Abana ubwo batahaga bamaze kwakira impano y'Ubunani bazimaniwe na Umuri Foundation