Umunyemari Aliko Dangote yiyemeje kugura Arsenal mu mwaka utaha

Yanditswe na Eric Tony Ukurikiyimfura
Kuya 14 Mutarama 2020 saa 04:45
Yasuwe :
0 0

Umunyemari wa mbere ukize muri Afurika, Aliko Dangote, yatangaje ko afite gahunda yo kugura ikipe ya Arsenal mu 2021 ayambuye Stan Kroenke.

Uyu mugabo ukomoka muri Nigeria abarirwa umutungo ungana na miliyari 8.5£, akura cyane muri sosiyete ye ya Dangote Cement, iya mbere muri Afurika ikora sima ndetse agira n’imigabane mu nganda zikora umunyu, isukari n’ifu.

Yari yaravuze ko ashaka kugura Arsenal mu 2020, ariko kuba ari kubaka Sosiyete ya Dangote Refinery izaba ariyo ya mbere ku Isi mu zitunganya ibikomoka kuri peteroli, byatumye yigiza inyuma amatariki.

Abafana ba Arsenal bamaze iminsi batishimiye ufite iyi kipe, Stan Kroenke, aho uyu mugabo usanzwe ari nyir’ikipe ya Denver Nuggets na LA Rams, aboneka gake ku kibuga cya Emirates ndetse iyi kipe ikaba ikomeje kwitwara nabi mu musaruro ibona mu marushanwa atandukanye.

Abakunzi b’iyi kipe bakwishimira kubona impinduka ku ufite uruhare runini muri iyi kipe ndetse Dangote ashobora kugira byinshi ahindura muri Arsenal.

Mu kiganiro yagiranye na Bloomberg, Aliko Dangote, yavuze ko yifuza kugura Arsenal ariko kuri ubu hari imishinga ikomeye arimo itatuma ayigura muri uyu mwaka ndetse ngo yiteguye kubikora ubwo izaba irangiye.

Ati "Ni ikipe nifuza kuzagura umunsi umwe, ariko icyo nkomeza kuvuga ni uko ubu dufite imishinga ya miliyari 20$ kandi n’iyo nshyizeho umutima. Ndikugerageza gusoza kubaka sosiyete, nidusoza nko muri 2021 birashoboka."

"Ntabwo nagura Arsenal uyu munsi, nzayigura nidusoza iyi mishinga yose kuko ndashaka kuzamura ikompanyi ku rundi rwego.’’

Arsenal imaze igihe ititwara neza ndetse kuba iri ku mwanya wa 10 byatumye uwari umutoza wayo Unai Emery yirukanwa, ariko hari icyizere ko yagaruka mu nzira zo gutsinda nyuma yo kwemeza Mikel Arteta nk’umutoza mushya.

Mu 2018 ni bwo Dangote yatanze isezerano ko azagura iyi kipe iri mu zikunzwe n’abatari bake ku Isi.

Aliko Dangote yavuze ko azagura Arsenal mu 2021
Abafana ba Arsenal ntibishimiye Stan Kroenke ufite Arsenal muri iyi minsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza