00:00:00 IGIHE NETWORK KN KINYARWANDA EN ENGLISH FR FRANCAIS

Umulinga Alice yemejwe nka Perezida w’agateganyo wa Komite Olempike y’u Rwanda

Yanditswe na Eric Tony Ukurikiyimfura
Kuya 23 Mutarama 2023 saa 10:41
Yasuwe :

Inteko Rusange Isanzwe ya Komite Olempike y’u Rwanda yabaye ku Cyumweru, tariki ya 22 Mutarama, yemeje Umulinga Alice nka Perezida w’agateganyo uzasozanya na manda nyuma y’uko Uwayo Théogène wari watorewe uyu mwanya yeguye mu mwaka ushize.

Mu Ugushyingo ni bwo Uwayo wari umaze umwaka n’igice atorewe kuyobora Komite Olempike y’u Rwanda yeguye, inshingano zisigaranwa na Visi Perezida wa Mbere, Umulinga Alice.

Nyuma yo kwakira ubwegure bwa Uwayo, abitabiriye Inteko Rusange Isanzwe yabaye ku Cyumweru bemeje Umulinga nka Perezida w’Agateganyo w’uru rwego rukuru muri Siporo y’u Rwanda, akazasoza manda y’imyaka ine batorewe muri Gicurasi 2021.

Muri iyi Nteko Rusange hakiriwe abanyamuryango batatu bashya ari bo Ishyirahamwe rya Badminton, irya Golf n’iry’Abahagarariye u Rwanda mu Mikino Olempike.

Hashyizweho kandi Komite nshya ishinzwe gutegura Amarushanwa yo Kwibuka Jenoside yakorewe Abatutsi mu 1994 igizwe na Sharangabo Alexis OLY, Ingabire Assia, Murema Jean Baptiste, Uwiragiye Marc na Mukeshimana Assoumpta.

Mu bindi byari ku murongo w’ibyigwa muri iyi Nteko Rusange harimo kurebera hamwe no kwemeza gahunda y’ibikorwa biteganyijwe muri uyu mwaka, kugaragaza no kwemeza raporo zitandukanye zirimo iy’umutungo n’iz’amarushanwa yabaye mu mwaka ushize.

Umulinga Alice yemejwe nka Perezida w’agateganyo wa Komite Olempike y'u Rwanda akazasozanya na manda
Ku wa 22 Mutarama ni bwo habaye Inteko Rusange Isanzwe ya Komite Olempike y'u Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .