Umukino wa Fulham na Tottenham na wo wasubitswe

00:00:00 IGIHE NETWORK

KINYARWANDA

ENGLISH

FRANCAIS IGIHE TV

Izigezweho

Coronavirus - Coronavirus: Bwa mbere mu Rwanda handuye, hanakira abantu benshi mu munsi umwe
Politiki - Joe Biden yarahiriye kuyobora Amerika (Amafoto)
Amakuru - Ubuhamya: Uko Gen Marcel Gatsinzi yitandukanyije na Leta yakoraga Jenoside agapangirwa kwicwa
U Rwanda - #GumaMuRugo: Ibyo ukwiye kumenya kuri gahunda yo gutanga ibiribwa birimo n’amata ku batishoboye
Mu Mateka - Uko Kigeli IV Rwabugiri yigeze gushaka guhaka abazungu ngo ‘bamubohere imyenda’
U Rwanda - Perezida Kagame yitabiriye Inama y’Impuguke za Kaminuza ya Harvard yiga ku iterambere rya Afurika

Umukino wa Fulham na Tottenham na wo wasubitswe

Yanditswe na Eric Tony Ukurikiyimfura

Kuya 30 Ukuboza 2020 saa 06:58

Yasuwe :

Yavuzweho:

0 0

Umukino w’Umunsi wa 16 wa Shampiyona y’Icyiciro cya Mbere mu Bwongereza, Premier League, wari guhuza Fulham na Tottenham kuri uyu wa Gatatu, wasubitswe kubera ubwandu bushya bwa COVID-19 bwagaragaye muri iyi kipe yo mu Burengerazuba bwa Londres.

Uyu mukino wagombaga gutangira saa Mbili (20:00) ku Kibuga cya Tottenham Hotspur.

Fulham yasabye ko uyu mukino usubikwa ndetse icyemezo cya nyuma cyatangajwe habura amasaha atatu ngo utangire.

Ku wa Kabiri, Premier League yatangaje ko ibisubizo by’ibipimo biheruka gufatwa amakipe y’Icyiciro cya Mbere mu Bwongereza byagaragaje ko hari abantu 18 banduye COVID-19.

Umukino wa Fulham na Tottenham wabaye uwa kabiri usubitswe muri iki cyumweru kubera COVID-19 nyuma y’uwari guhuza Everton na Manchester City ku wa Mbere, tariki ya 28 Ukuboza 2020.

Ku wa 4 Ukuboza 2020 hagombaga kuba umukino wa Newcastle United na Aston Villa, ariko na wo wasubitswe kubera ubwandu bwa COVID-19.

Umutoza wa Fulham, Scott Parker, ntiyatoje umukino ikipe ye yanganyijemo ubusa ku busa na Southampton ku wa 26 Ukuboza 2020 nyuma y’uko mu muryango we hari umuntu wasanganywe COVID-19.