Umukinnyi wa ruhago yiciye inkoko mu kibuga mu mukino hagati

Yanditswe na Eric Tony Ukurikiyimfura
Kuya 7 Ugushyingo 2019 saa 12:46
Yasuwe :
0 0

Mu Mujyi wa Zagreb muri Croatie, kuri uyu wa Gatatu, Ishyirahamwe rigamije kwita ku nyamanswa ryatangaje ko rigiye kurega umukinnyi w’umupira w’amaguru wishe inkoko ubwo yayiteraga umugeri mu mukino w’abatarabigize umwuga.

Iki gikorwa cyabaye ku Cyumweru ubwo inkoko zinjiraga mu kibuga cy’umupira w’amaguru mu Burasirazuba bwa Croatie.

Ivan Gazdek ukinira NK Jelengrad yirutse inyuma y’izi nkoko, akubita umugeri imwe muri zo, igwa hanze y’uruzitiro irapfa.

Uyu mukinnyi w’imyaka 23 yahise ahabwa ikarita itukura kubera iki gikorwa kidakwiye yakoreye mu kibuga.

Umuryango wigenga witwa “Inshuti z’inyamaswa”, watangaje ko “iki gikorwa giteye isoni kandi bidakwiye ko abakinnyi bagirira nabi inyamaswa idafite icyaha bakayica bayibabaje”

Iri shyirahamwe ryavuze ko rigiye gutanga ikirego mu rukiko, rishinja uyu mukinnyi "kwica cyangwa kubabaza bikomeye inyamaswa.”

Naramuka ahamwe n’icyaha, uyu mukinnyi ashobora gukatirwa igifungo cyigeze ku mwaka umwe ari muri gereza.

Gazedk yireguye mu itangazamakuru ryo muri Croatie, avuga ko ubusanzwe akunda inyamaswa ndetse ko “atari agambiriye’’ kwica iyi nkoko.

Ati” Nirukankanye inkoko kugira ngo nzirukane mu kibuga. Nagerageje kuzishorera nkoresheje ikirenge cyanjye ku bw’amahirwe make, nicamo imwe. Ntacyo bimbwiye. Inkoko zinjiye mu kibuga bituma umukino uhagarara.”

Mu kwezi gushize, mu Bufaransa umusore aherutse guhabwa igihano cyo kumara amasaha 80 akora imirimo ifitiye igihugu akamaro nyuma yo gufatwa amashusho ari mu kibuga, akuraho umutwe w’isake nzima.

Ivan Gazdek ashobora gufungwa kubera inkoko yiciye mu kibuga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza