Uko amakipe azahura muri Premier League 2020/21 byatangajwe

Yanditswe na Bukuru JC
Kuya 20 Kanama 2020 saa 01:47
Yasuwe :
0 0

Shampiyona y’u Bwongereza ‘Premier League’ y’umwaka w’imikino 2020/21, izatangira kuwa 12 Nzeri 2020, isozwe kuwa 23 Gicurasi 2021, aho Arsenal izatangirira kuri Fulham izamutse mu cyiciro cya kabiri naho Liverpool yatwaye igikombe giheruka igahure na Leeds.

Ingengabihe ya Premier League yatangajwe kuri uyu wa Kane tariki 20 Kanama 2020, yerekana ko ku munsi wa mbere hari imikino ibiri yasubitswe ari yo; uwa Manchester City yagombaga guhura na Aston Villa n’uwa Burnley yagombaga kwakira Manchester United.

Iyi mikino yasubitswe ku mpamvu yo guha igihe cyo kuruhuka Manchester City na Manchester United, kubera ko yageze kure mu mikino y’i Burayi, bikaba byaratumye akomeza gukina mu gihe andi yaruhukaga.

Mu cyumweru gikurikiraho ni ukuvuga kuwa 19 Nzeri aya makipe yombi akaba ari bwo azatangira shampiyona, aho Manchester City izakina na Wolves naho Manchester United ikine na Crystal Palace kuri Old Trafford.

Iyi shampiyona y’uyu mwaka izatangira nta bafana barimo kubera kwirinda ikwirakwira rya Coronavirus, ariko biteganyijwe ko bashobora kuzasubira muri stade mu mpera z’umwaka hubahirizwa gahunda yo guhana intera.

Imwe mu mikino ikomeye itegerejwe vuba ni nk’uzahuza Chelsea na Liverpool ku munsi wa kabiri wa Shampiyona tariki 19 Nzeri, uwa Liverpool na Arsenal uzaba kuwa 26 Nzeri, Manchester City na Arsenal kuwa 17 Ukwakira, na Manchester United na Chelsea kuwa 26 Ukwakira 2020.

Uko amakipe azahura ku munsi wa mbere wa Premier League 2020/21

Amakipe azakina kuwa 12 Nzeri

- C. Palace v Southampton

- Fulham v Arsenal

- Liverpool v Leeds

- Tottenham v Everton

- West Brom v Leicester City

- West Ham v Newcastle

Amakipe azakina kuwa 14 Nzeri

- Brighton v Chelsea

- Sheff Utd v Wolves

Imikino yasubitswe

- Burnley v Man Utd

- Man City v Aston Villa

Liverpool na Arsenal zizakina kuwa 26 Nzeri 2020
Manchester City izatangira shampiyona kuwa 19 Nzeri kubera ko itaruhukiye rimwe n'andi makipe, aho yakinaga Champions League
Manchester United izatangira ikina na Crystal Palace kuri Old Trafford

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .