00:00:00 IGIHE NETWORK KN KINYARWANDA EN ENGLISH FR FRANCAIS

UEFA Europa League: FC Barcelona yatomboye Manchester United mu gushaka itike ya ⅛

Yanditswe na Iradukunda Olivier
Kuya 7 Ugushyingo 2022 saa 04:54
Yasuwe :

Tombola y’amakipe yabaye aya kabiri mu matsinda ya UEFA Europa League ndetse n’ayamanutse muri UEFA Champions League, yasize FC Barcelona itomboye Manchester United zikaba zizahatanira itike ya 1/8 cy’iri rushanwa.

Amakipe yatomboye ni ayari mu gakangara ka mbere karimo amakipe yabaye aya gatatu mu matsinda ya Champions League.

Ayo makipe ni Barcelona, Juventus, Sporting CP, Shakhtar Donetsk, Ajax, Leverkusen, Sevilla, Salzburg. Zatomboraga amakipe yabaye aya kabiri mu matsinda ya UEFA Europa League ariyo; Manchester Unied, Nantes, Midtjylland, Rennes, Union Berlin, Monaco, PSV na Roma.

FC Barcelona izahura na Manchester United, Juventus itombora Nantes, Sporting CP itombola Midtjylland, Shakhtar Donetsk ikaba yo yatomboye Rennes, Ajax izahura na Union Berlin, Leverkusen ihure na Monaco, Sevilla nayo yatomboye PSV, Salzburg izahura na Roma.

Amakipe yabonye itike yo gukomeza muri ⅛ kubera kwitwara neza mu matsinda akaba aya mbere ni; Arsenal, Betis, Fenerbahçe, Ferencváros, Feyenoord, Freiburg, Real Sociedad na Union Saint-Gilloise.

Ayazakomeza mu yatomboranye uyu munsi azongera atombore muri aya yakomeje ari aya mbere bakine 1/8.

Manchester United izahura na FC Barcelona mu gushaka itike ya 1/8 cya Europa League

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .